කොළඹ ආරක්ෂාවට බස් නැවතුම අදාල නෑ ?

Published in පුවත්

Friday, 31 July 2015 12:03

Be the first to comment!

රුපියල් කෝටි පහක පමණ වියදමින් වසර තුනකට පෙර කොළඹ නගරයේ ආරක්ෂාව සඳහා පිහිටුවනු ලැබූ සී සී ටී වී කැමරා පද්ධතියෙන් පිටකොටුව පෞද්ගලික බස් නැවතුම්පොළ සහ ලංකා ගමනා ගමන මණ්ඩලයේ බස් නැවතුම් පොළ ඇතුළු ඒ ආසන්න ප්‍රදේශය ආවරනය නොවන බව වාර්තා වේ. මෙය අනාවරණය වන්නේ බැස්ටියන් මාවත බස්නැවතුම් පොළේ තිබී හමුවූ කාන්තා මළ සිරුර පිළිබඳ පරීක්ෂණ කිරීමේදීය.

එකී සී සී ටී වී කැමරා පද්ධතිය මෙහෙයවීම් කෙරෙන්නේ පිටකොටුව නියෝජ්‍ය පොලිස්පති කාර්යාල ගොඩ නැඟිල්ලේ සිට වන අතර අදාල මළසිරුර හමුවූ බස්නැවතුම් පොළට එහි සිට ඇත්තේ මීටර් 500ක් පමණ දුරකි.

පිටකොටුව ප්‍රදේශයේ ආරක්ෂාව පිළිබඳව සලකා බැලීමේදී දිනකට දහස් ගණනින් ජනතාව යනෙන බස්නැවතුම්පොළ එහි මර්මස්ථානයක් ලෙස සැලකිය හැකිය. ජාතික ආරක්ෂාව සම්බන්ධයෙන් බොහෝ සේ පාරම් බෑ පසුගිය පාලනය යටතේ පොලීසියට මෙම බස් නැවතුම් පොළවල් දෙක කැමරා පද්ධතියට ඇතුළු කර ගැනීමට තරම් වැදගත් නොවීම විමතියට කරුණකි.