ඒවගේම පවුලක් ලෙස ඔවුන්ට සාමාන්‍ය ජීවිතයක් ගත කිරීම වෙනුවෙන් විවිධ විසඳුම් අද ලෝකය තුල පවතිනවා. පවුලක් ලෙස ජීවත්වීමේ සිහිනය සැබෑ කරගත් සමරිසි යුවලක් පිළිබඳ වාර්තා වෙන්නේ ඇමරිකාවෙන්.
ස්ටෙෆනි සහ ඇගේ සහකාරිය වන රන්ඩා මේවනවිටත් ගැබිණියන්. ඔවුන් ඒ සඳහා යොදාගෙන තිබෙන ක්‍රමවේදය වන්නේ අන්තර්ජාලය හරහා හඳුනාගත් දායකයෙකු හරහා ශුක්‍රානු ලබාගැනීමයි.
25 වියැති ස්ටෙෆනි මේවනවිට මාස 7ක ගැබිණියක් වන අතර රන්ඩා මාස 3ක ගැබිණියකි. ඒවගේම මේ දරුවන් දෙදෙනාගේම පියා එකම පුද්ගලයෙකි.
2013 වසරේ විවාහ වී ඇති මේ දෙදෙනා තමන්ට ලැබෙන දරුවන්ගේ උප්පැන්න සහතික සඳහාද දෙදෙනාගේම නම යෙදීමට බලාපොරොත්තුව සිටින බව පැවසෙනවා.
මේ පිළිබඳව අදහස් දක්වන ස්ටෙෆනි පවසන්නේ තමන්ට තමන්ගේම ලෙයින් උපන් දරුවන් අවශ්‍ය වූ නිසා මෙම ක්‍රියාමාර්ගය ගත් බවයි. ඒවගේම දරුවන් දෙදෙනා අතර පරතරයක් තැබීමට හේතුව ලෙස සඳහන් වන්නේ දරු උපත අවස්ථාවේ එකිනෙකාට උදව් කර ගැනීමේ පහසුවයි.
