සේවා ඉල්ලීම් පහක්‌ මුල් කරගෙන කොළඹ දිස්‌ත්‍රික්‌කයේ සියලු රජයේ රෝහල් හා සෞඛ්‍ය ආයතනවල සේවය කරන හෙද, පරිපූරක හා අතුරු වෛද්‍ය සේවා නිලධාරීන් මෙම 29 හා 30 දෙදින වැඩ වර්ජනයක නිරත වේ.
වසර 12 ක ජ්‍යෙෂ්ඨතාව අනුව හෙද - පරිපූරක හා අතුරු වෛද්‍ය සේවා නිලධාරීන්ට පළමු ශේණියේ උසස්‌වීම් ලබාදීමට අදාළව අමාත්‍ය මණ්‌ඩල පත්‍රිකාවක්‌ ඉදිරිපත් කිරීම දිගින් දිගටම ප්‍රමාද කිරීම, වෛද්‍ය සේවාවට පමණක්‌ ලබා දෙන ගෙවන වාට්‌ටුවල ප්‍රතිකාර ලැබීමේ පහසුකම් ආදි ඉල්ලීම් මුල්කොට ගනිමින් මෙම මෙම වැඩ වර්ජනය ක්‍රියාත්මකයි.
මේ අනුව ජුලි 29 වැනිදා කොළඹ ජාතික රෝහලේ සේවය කරන හෙද , පරිපූරක හා අතුරු වෛද්‍ය සේවා නිලධාරීහු එදින උදෑසන 8.00 ට දෙදින වැඩවර්ජනය අරඹන අතර 30 වැනිදා උදෑසන 8.00 සිට කොළඹ දිස්‌ත්‍රික්‌කයේ සෙසු සියලු රජයේ රෝහල් හා සෞඛ්‍ය ආයතනවල සේවය කරන එම නිලධාරීන් වැඩවර්ජනයට එක්‌වන බව ඒකාබද්ධ බල මණ්‌ඩලය පවසා සිටී.
