මෙම ඡායාරූප සදහා බොහෝ හාස්‍යජනක ප්‍රතිචාර ලැබී තිබුණු අතර මීට පෙර පොලිස් නිලධාරීන් සමඟ ගත් ඡායාරූප 'පොල්ෆී' ලෙස හැඳින්වුණු පරිදි ඇතැමුන් මේවා හඳුන්වා තිබුණේ 'මරාෆී', 'හොරාෆී' ආදී නම් වලිනි.
හොරා යනු 'හො'ඳම 'රා'ජ්‍ය නායකයා ලෙස මහින්ද රාජපක්ෂ මහතා විසින් ම අරුත් ගැන්වීම බොහෝ උපහාසාත්මක ප්‍රතිචාරයන්ට මඟ කැපූ අතර මෑතක පටන් ඔහු සිය ජනප්‍රිය භාවය ඉහළ නංවා ගැනීම උදෙසා කරනා බොහෝ දේ විගඩම් වලින් කෙළවර වන බවක් පෙනේ.
මීට දින කිහිපයකට පෙරාතුව ඔහු විසින් ෆේස්බුක් පිටුව හරහා පැවැත් වූ ප්‍රශ්න සහ පිළිතුරු වැඩසටහනද පිළිතුරු දී ගත නොහැකිවූ ප්‍රශ්න ඉදිරියේ වරද පිළිගැනීම් හා සමාව අයැදීම් වලින් පිරුණු එකක් වූ අතර සමස්තයක් ලෙස සමාජ මාධ්‍ය ජාලාහි ඔහුගේ ප්‍රචාරක ව්‍යාපෘතිය අන්ත අසාර්ථක එකක් බවට පත් වෙමින් තිබෙන ආකාරයක් දිස් වෙයි.
