එජාප සභාපති කබීර් හෂීම් හා මුස්ලිම් කොන්ග්‍රසයේ ප්‍රධානින් කිහිපදෙනෙකු අතර මෙහි මුලික සාකච්ජා ආරම්භ වී ඇත.
එක්සත් ජාතික පක්ෂය සමඟ එක්ව මැතිවරණවලට තරඟ කළේ නම් වැඩි ජන්ද ප‍්‍රමාණයක් හිමි කර ගැනීමේ හැකියාව පවතින බව ශ්රී ලංකා මුස්ලිම් කොංග‍්‍රසය පවසයි.
කෙසේවුවද, එහි ජාතික සංවිධායක සෆීක් රාජබ්දීන් මහතා කියා සිටියේ, එවැනි තීරණයක් පක්ෂය විසින් මෙතෙක් ගෙන නොමැති බවයි.
ශ්රී ලංකා මුස්ලිම් කොංග‍්‍රසය එක්සත් ජාතික පක්ෂය සමඟ එක්ව කටයුතු කිරීමට කැමැත්ත පළ කළහොත් ඊට පක්ෂයේ ප‍්‍රතිචාරය කුමක්‌දැයි විමසා සිටි අවස්ථාවේදී, එම පක්ෂයේ මහලේකම් පාර්ලිමේන්තු මන්ත‍්‍රී තිස්ස අත්තනායක මහතා කියා සිටියේ, ඕනෑම පක්ෂයකට එජාපය සමඟ එක්වන ලෙස ආරාධනා කරන බවත් තවමත් නාම යෝජනා ලැයිස්තුවේ හිස්තැන් තිබෙන බවත්ය.
