1970 දී තමන් ලාබාලතම මන්ත්‍රීවරයා වශයෙන් පාර්ලිමේන්තුවට තේරීපත්වූ බවත්, එතැන් සිට පාර්ලිමේන්තු මන්ත්‍රීවරයෙකු,ඇමතිවරයෙකු,විපක්ෂ නායකවරයෙකු, අගමැතිවරයෙකු මෙන්ම ජනාධිපතිවරයෙකු ලෙසද දිගු ගමනක් ආ බවත්, එදා මෙන්ම අදත් ප්‍රජාතන්ත්‍රවාදී මූලධර්මවලට තමන් ගරුකරන බවත් හෙතෙම අවධාරණය කළේය.
කිසිදවසක මම මගේ පක්ෂයට කිසිම ද්‍රෝහි කමක් කරලා නැහැ .පසුගිය මාස හය තුල ජාතික ආරක්ෂාවට ලොකු තර්ජනයක් වෙලා යනුවෙන් පැවසුවේය.
රටේ නීතයට පිටින් නොයෙක් ආයතන පිහිටුවා අැති බවත් රජයේ සේවකයින් පීඩනයට පත්කර. මහමඟට ඇද දමා අැති බවත් දිනසියය ඇතුලත විරුද්ධ දේශපාලන මත දරන පුද්ගලයන්ගෙන් පලිගත්තා මිස සංවර්ධනයක් සිදු නොකළ බවත් කීවේය.
‘ගොවියා, රජයේ සේවකයා, කර්මාන්තකරුවා, ව්‍යාපාරිකයා අතරමං කළා. මහ මගට ඇද දැම්මා. දින 100කදී එතනෝල් බලපත්‍ර 27ක් නිකුත් කළා. රුපියල් කෝටි 5400ක මහ බැංකු බැඳුම්කර මහා මංකොල්ලයක් සිදු කළෙත් දින 100දිමයි. පසුගිය දින 100 දී එජාප අතීතය මට යළි සිහිකර දුන්නා‘ යැයි හිටපු ජනපති මහින්ද රාජපක්ෂ මහතා මැදමුලනේදී ජනතාව අමතමින් පැවසීය.
තමා බලයේ සිටියදී ව්‍යවස්ථාවන් පිට කිසිම දෙයක් නොකළ බවත් අධිකරණයට අපහාස නොකළ බවත් දේශපාලන වෛරය,පලිගැනීම කුණුබක්කියට දැම්මා යනුවෙන් ද පැවසුවේය.
අද දින ජනතාව මෙසේ මගේ ගේ දොරකඩටම ඇවිල්ලා ආරාධනා කරන්නේ පළිගන්න නොවෙයි රට ගොඩනඟන්න බව දන්නා නිසා ඔබලා කරන මේ ඉල්ලීම ප්‍රතික්ශේප කරන්න මට අයිතියක් නැහැ.රට වෙනුවෙන් අපි ඉදිරි මහ මැතිවරණයට අපි තරඟකළයුතුයි.
එක්සක් ජනතා නිදහස් පක්ෂයේ පමණක් නොව සියලුම පක්ෂවල දේශප්‍රේමී ජනතාවට තමා සමග සමඟ අත්වැල් බැදගන්නා ලෙස හිටපු ජනාධිපතිවරයා ඉල්ලා සිටියේය.
