දින පහක් ඇතුලත වහාම කොළඹට වාර්තා කරන ලෙස විදේශ කටයුතු  අමාත්‍යංශය විසින් යවනු ලැබු හදිසි කැඳවීමක් අනුව ඔහු මෙහි පැමිණියේය.
ඕමානයේ ශ්‍රී ලාංකික ප්‍රජාව පවසන්නේ තානාපතිවරයා මෙසේ හදිසියේ කැඳවීම නිසා රාජ්‍ය තාන්ත්‍රිකව ඔහුට ලැබිය යුතු නිසි ගෞරවය නොලබාම ඔහුට පැමිණීමට සිදු වු බවයි.

ඕමාන හාම්පුතෙුකුගේ අතවරයට ලක්ව ‘සුරක්ෂා‘ නිවසේ රඳවා සිටි ශ්‍රී ලාංකික ගෘහ  සේවිකාවකගේ  ගබ්සා කිරීමේ සිද්ධියක්  සම්බන්ධව  පරීක්ෂණයක් පැවතෙද්දී තානාපතිවරයා  මෙසේ  හදිසියේ කොළඹට ගෙන්වා ගැනීම පිටුපස එම සිද්ධිය යට ගැසීමේ කුමන්ත්‍රණයක් ඇති බව ඔවුහු කියති.

අදාල ගෘහ සේවිකාවගේ සැමියාද තම බිරිඳට සිදු  වු අසාධාරණය පිළිබඳව තානාපති කාර්යලයේ  කම්කරු අංශයේ නිලධාරීන් පස් දෙනෙකුට විරුද්ධව  මානව හිමිකම් කොමිසමේ පැමිණිලි කර ඇති අතර ඔහු තම බිරිඳගේ ආරක්ෂාව තහවුරු කර දෙන ලෙස  ජාත්‍යන්තර සංක්‍රමණිකයන්ගේ සංවිධානයෙන්  සහ එක්සත් ජාතීන්ගේ සංවිධානයෙන් ඉල්ලීමක් කර ඇත.. 

(ලංකාදීප)