තලතා අතුකෝරාල මහත්මියගේ මැතිවරණ ප්‍රචාරක කටයතු මෙහෙයවීම සඳහා යතුරු පැදියකින් ගමන් කරමින් සිටිය දී මඟ හරස් කර ඇති පිරිසක් සිදුකළ පහරදීමකින් තුෂාර දේවාලේගම මහතා මිය ගොස් ඇත. 37 හැවිරිදි තුෂාර නැමැත්තා තිදරු පියෙකි. ඔහුගේ දේහය මේ වන විට රත්නපුර රෝහලේ තැම්පත් කොට ඇත.
පාර්ලිමේන්තුව විසිරුවා හැර පැය කිහිපයකින් පසුව අනුරාධපුර නගරයේ සවිකොට තිබූ එජාප පාර්ලිමේන්තු මන්ත්‍රීනි චන්ද්‍රාණි බණ්ඩාර මහත්මියගේ දැවැන්ත කටවුට් කිහිපයකට සංවිධානාත්මක පිරිසක් හානි කොට ඇත. දිස්ත්‍රික්කයේම විපක්ෂයේ දේශපාලනඥයෙකුගේ සේවකයෙකු ඇතුළු පිරිසක් විසින් මෙය සිදු කර ඇති බවට සැක පළ කරයි.
කුරුණෑගල නගරයේ සවි කොට තිබු එජාප හිටපු පාර්ලිමේන්තු මන්ත්‍රී සහ කුරුණෑගල ආසන සංවිධායක අශෝක අබේසිංහ මහතා ගේ සහ රනිල් වික්‍රමසිංහ මහතා ගේ රුව සහිත කටවුට් කිහිපයක් ද කපා දමා අැති අතර එජාපයේ දිස්ත්‍රික් නායකත්වය ලබා ගැනීම සදහා උත්සහ දරන පුද්ගලයෙකුගේ ආධාරකරුවන් විසින් මෙම ක්‍රියාව සිදු කරන ඇතැයි සැක කරයි.
