අධ්‍යාපන අමාත්‍ය බන්දුල ගුණවර්ධන මහතා සිය අමාත්‍යංශයේ ඊයේ  පැවැත් වූ මාධ්‍ය හමුවකදී කියා සිටියේ සාමාන්‍ය පෙළ විභාගයේදී වෙනත් විෂයන් 3කට සම්මාන හිමි සිසුන්ට මෙමගින් උසස් පෙළ හැදෑරීමට අවස්ථාව උදාවන බවයි. 

සාමාන්‍ය පෙළ ගණිතය අසමත් සිසුන් ඉදිරි වසර දෙක තුළදී ගණිතය අසමත් වුවත් කලා විෂයන් සහ ජෛව පද්ධති තාක්ෂණවේදය යටතේ උසස් පෙළ විභාගයට පෙනී සිටීමට එය බාධාවක් නොවන බව  අධ්‍යාපන අමාත්‍ය බන්දුල ගුණවර්ධන මහතා පැවසිය.  එහෙත් විශ්වවිද්‍යාල ප‍්‍රවේශය ලබාගැනීමට නම් අනිවාර්යෙන්ම ගණිතය විෂය සමත් විය යුතු බවයි අධ්‍යාපන අමාත්‍යවරයා සඳහන් කළේය.