අද (24) කොළඹ පැවැති මාධ්‍ය හමුවක දී මේ බව අනාවරණ කෙරිණ. මෙම අවස්ථාවට මහා මාර්ග සහ ආයෝජන ප්‍රවර්ධන අමාත්‍ය කබීර් හෂීම්, කර්මාන්ත හා වාණිජ කටයුතු පිළිබඳ අමාත්‍ය රිසාද් බදියුදීන් යන මහත්වරු එක්ව සිටියහ.

වැඩි දුරටත් අදහස් දැක් වූ මුදල් අමාත්‍යවරයා
විපක්ෂය දිගින් දිගටම ඒගොල්ලන්ගේ බංකොලොත්භාවය ප්‍රදර්ශනය කරමින් ඉන්නවා. අනවශ්‍ය ණය ගන්නවා කියලා ඒ ගොල්ලෝ අපට චෝදනා කළාට දැන් ඔප්පු වෙලා තියනවා කවුද අනවශ්‍ය විදිහට ණය අරන් තියෙන්නේ කියලා. ඒ ගොල්ලන්ගේ කාලේ රු.බිලියන 834 ක් ණය අරන් තියනවා. අපි මේ සුළුතර ආණ්ඩුවක් විදිහට ලබා ගත්ත ණය ප්‍රමාණය බිලියන 584ක් දක්වා අඩුකර ගෙන තියෙනවා කියන කාරණාව සතුටින් කියන්න කැමතියි. මේ දේවල් මෙහෙම තියෙද්දි පහුගිය ආණ්ඩුවේ අවිධිමත් ණය ගැනිම සම්බන්ධයෙන් ගෙවන්න වෙලා තියෙන්නෙත් අපිටමයි. කිසිදු කැබිනට් අනුමැතියකින් තොරව රු.බිලියන 594ක පමණ වන මහා මාර්ග ව්‍යාපෘති ආරම්භ කරලා අපට බාර දීලා තියෙනවා. මීට අමතරව ජාතික ඉතිරි කිරිමේ බැංකුවෙන් රු.බිලියන 28ක් මහා මාර්ග වෙනුවෙන් අරගෙන ඒවා වෙනත් කටයුතු වෙනුවෙන් වියදම් කරලා තියෙනවා. මේවා කලින් ආණ්ඩුවේ දුර්වලකම් කියලා ජනතාව අපහසුතාවයට පත් කරන්න අපට බැහැ.