මිග් ගණුදෙනුව මගින් හිටපු ආරක්ෂක ලේකම්වරයා කළ මහා දේශ දේරා්හී වංචාව ඔප්පුවුවහොත් ඔහුගේ ප‍්‍රජා අයිතිය පවා අහෝසි වී යන බව අමාත්‍යවරයා පැවසුවේය. හිටපු ජනපතිනිය වන වන්ද්‍රිකා බණ්ඩාරනායක මහත්මිය 2000 වර්ෂයේදී දී ඩොලර් මිලියන 2.5 කට මිලදී ගත් ගුවන් යානා ගෝඨාභය විසින් ඩොලර් මිලියන 2.5 කට මිලදී ගත් බවත් මෙහිදී ඔහු ඩොලර් මිලියනයකටත් වඩා විශාල මුදලක් වංචා කර ඇති බව පැවසුවේය.
මොහු මේ සදහා මුදල් ගෙවා ඇත්තේ බෙලීෂියා නම් ආයතනයකට බවත් එය ලන්ඩනවල ලිපිනයකින් පැවතියද එම ස්ථානයේ එබදු සමාගමක් නොමැති බවත් පැවසුවේය.මෙම ගනුදෙනුව සිදු කිරීමට සතියකට පෙරදී බ‍්‍රිටිෂ් වර්ජින් අයිලන්ඩ් වල එම බෙලීෂයා නම් ආයතනය ලියාපදිංචි කර ඇති බවත් පැවසුවේය.
බ‍්‍රිටිෂ් වර්ජින් අයිලන්ඩ් යන දූපත හොර සල්ලි හංගන දූපතක් ලෙස ඉතා ප‍්‍රකට බවත් පැවසුවේය.
නමුත් රාජපක්ෂලා පවසන පරිදි මෙම ගනුදෙනුව ලංකා රජය සහ යුකේ‍්‍රන රජය අතර සිදුවූ ගනුදෙනුවකි. එසේනම් හොර සමාගමකට මුදල් ලබා දුන්නේ ඇයි යනුවෙන් තමා ප‍්‍රශ්න කරන බව පැවසුවේය.
මේවා මිලදී ගැනීමට උදව් කරනු ලැබුවේ රාජපක්ෂලාගේ ඥාතියෙක් වූ යුකේ‍්‍රන තනාපතිව සිටි උදයංග වීරතුංග බවත් මෙය පවුලේ හොරකමක් බවත් පැවසුවේය.
යුකේ‍්‍රන රජය විසින් නිලවශයෙන් ශ්රී ලංකාවේ විදේශ කටයුතු අමාත්‍යාංශයේ අවධානය පැමිණිල්ලක් යොමු කර ඇති බව පැවසුවේය. උදයංග වීරතුංග එරට තුළ තානාපතිව සිටි සමයේ විවිධ පුද්ගලයන්ට හොර රහසේ අවිආයුධ ලබා දී ඇති බවට යුකේනය රාජ්‍ය පැමිණිල්ලක් සිදු කර ඇති බව පැවසුවේය.
මේ පිළිබදව නව රජය විසින් සොයා බලා කටයුතු කරන බවත් ජනතාවට විනිවිද පාලනයක් ලබා දෙන බවට පොරොන්දු වූ රජයක් වශයෙන් ඒ ගැන කටයුතු කිරීම වගකීමක් බවත් පැවසුවේය.
මෙම කාරණා සම්බන්ධව හැකිනම් නඩු පවරන ලෙසත් තමාද මේ පිළිබදව තවත් කරුණු හෙළි කිරීමට ආසාවෙන් සිටින බවත් පැවසුවේය.යුද්ධය සිදු කිරීමට අැති මුදල් පවා සිය සාක්කු වලට දමා ගත්තේ අැයිද කියා හෙළි කරන ලෙසද පැවසුවේය.රාජපක්ෂලා යුධ ජයග්‍රහනයේ මුවාවෙන් ඒකාධිපති රාජ්‍යයක් බිහිකිරීමට අත්තිවාරම දැමූ බවත් කොටි සංවිධානය පෝෂණය කරන විදේශ ප්‍රතිපත්තියක් ගෙන ගිය බවද අමාත්‍යවරයා වැඩිදුරටත් පැවසුවේය.
