'දරුවා දුන්නොත් මගේ මුළු වස්‌තුවම දෙනවා'

Published in පුවත්
Thursday, 31 July 2014 07:50

"මගේ මුළු සේසතම අරගෙන හරි මගේ අහිංසක දරුවා මට ආපසු දෙන්න. මං වැඳලා ඉල්ලන්නේ හයහතර නොතේරෙන දරුවට කරදරයක්‌ කරන්න එපා කියලා" යෑයි පැහැර ගැනීමට ලක්‌වූ මීගලෑවේ සිව් හැවිරිදි දරුවාගේ පියා හඬා වැළපෙමින් කියා සිටියේය.

දරුවා පැහැරගත්ත අයගෙන් මං ඉල්ලන්නේ මගේ පුංචි දරුවට කන්න බොන්න ටිකක්‌ දෙන්න එයාට අසනීපයක්‌ වෙන්න ඉඩ දෙන්න එපා. මට මේ ව්‍යාපාරවලින් වැඩක්‌ නැහැ. මට වටින්නේ මගේ දරුවො දෙන්නා. මගෙ දරුවා නැති වුණොත් මම ජීවත්වෙලා වැඩක්‌ නැහැ" යෑයිද දරුවාගේ පියා දරාගත නොහැකි වූ වේදනාවෙන් විලාප නඟමින් කියා සිටියේය.

ඉකුත් 28 වැනිදා රාත්‍රි 7.30 ට පමණ මීගලෑව ප්‍රදේශයේ නිවසකට කඩා වැදී මවුපියන්ට පහරදී කපා කොටා තුවාල කර නාඳුනන සන්නද්ධ පිරිසක්‌ විසින් පැහැරගෙන ගිය සිව් හැවිරිදි ධනිඳු ලංකානාත් ඒකනායක දරුවා පිළිබඳ කිසිදු තොරතුරක්‌ මේ වන තුරුත් ලැබී නොමැත.

Daniduජ්‍යෙෂ්ඨ පොලිස්‌ අධිකාරි චන්දන අලහකෝන්, සහකාර පොලිස්‌ අධිකාරි සමන් දිසානායක මහත්වරුන්ගේ පූර්ණ අධීක්‍ෂණය යටතේ විශේෂ පොලිස්‌ කණ්‌ඩායම් පහක්‌ මේ පිළිබඳව සෙවීමේ පරීක්‍ෂණ කටයුතු ආරම්භ කර ඇත.

කප්පම් මුදල් ලබා ගැනීමේ අරමුණෙන් දරුවා පැහැරගෙන ගියේද යන්න පිළිබඳව කිසිදු තොරතුරක්‌ ලැබී නොමැති බව පොලිසිය පවසයි. පෞද්ගලික ආරවුලක්‌ මත පළිගැනීමේ ෙච්තනාවෙන් දරුවා ගෙන ගියේද යන්න පිළිබඳවද කිසිදු සාක්‍ෂියක්‌ මේ වන තුරුත් පොලිසියට ලැබී නොමැත.

දරුවා පැහැර ගැනීමට ලක්‌වූ අවස්‌ථාවේ මීගලෑව ප්‍රදේශයේ සිදුවූ දුරකථන පණිවිඩ පිළිබඳවද පොලිසිය සොයා බලාගෙන යයි.

මෙම සිද්ධිය සම්බන්ධයෙන් පුද්ගලයන් දස දෙනකුගෙන් පමණ ප්‍රකාශ සටහන් කර ගැනීමට පොලිසිය කටයුතු කර තිබේ.

දරුවා පැහැර ගැනීමේ සිද්ධිය හෝ එම දරුවා සඟවාගෙන සිටින ස්‌ථානයක්‌ පිළිබඳව තොරතුරු වෙතොත් ජ්‍යෙෂ්ඨ පොලිස්‌ අධිකාරි චන්දන අලහකෝන් මහතාගේ 0774784635 දුරකථන අංකයට හෝ සහකාර පොලිස්‌ අධිකාරි සමන් දිසානායක මහතාගේ 0773361390 දුරකථනය වෙත ඒ පිළිබඳව දැනුම් දෙන ලෙස පොලිසිය ඉල්ලා සිටියි.

වයඹ පළාත භාර ජ්‍යෙෂ්ඨ නියෝජ්‍ය පොලිස්‌පති ජගත් අබේසිරි ගුණවර්ධන මහතාගේ මෙහෙයවීමෙන් මෙම පරීක්‍ෂණ ක්‍රියාත්මක වෙයි.

(දිවයින)

 

Last modified on Thursday, 31 July 2014 07:57

Leave a comment

ld add copy

Gossip

රනිල්ගේ දරුවෝ ගේම ඉල්ලලා

රනිල්ගේ දරුවෝ ගේම ඉල්ලලා

ශ්‍රී ලංකා පොදුජන පෙරමුණේ විධායක සභා රැස්වීමක් පසුගිය 27 වෙනිදා පැවැත්විලා තිබුණා. ඒ, හිටපු ජනාධිපති...

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

Connet With Us