අරලිය ගහ මන්දිරයේ පැවැති එක්සත් ජාතික පක්ෂ තරුණ හමුව අමතමින් අමාත්‍යවරයා මේ බව පැවැසීය.
ඔහු මෙහිදී වැඩිදුරටත් පැවසුවේ කිසිසේත්ම ජාතික ආරක්ෂාව දුර්වල වීමට ඉඩ නොතබන බවයි.
පවුල් පාලන බලයක් පරාජය කළ රටේ ජනතාවට අවශ්‍යවී ඇත්තේ හිස ඔසවමින් තිබෙන දූෂිත රාජපක්ෂ පෙරමුණ මුළුමනින්ම පරාජය කිරීම බවත්,පරාජයට පත්වුණු රාජපක්ෂ කල්ලිය ඔවුන් සමඟ ගජ මිතුරන්ව කටයුතු කරපු දූෂිත පිරිස් මුළුමනින්ම පරාජය කිරීම සියළු දෙනාටම පැවරෙන වගකීමක් සහ අභියෝගයක් බවත් පැවසුවේය.වත්මන් රජය විසින් රාජපක්ෂ පාලනය රට රැගෙන ගිය අඳුරු දිශාව වෙනස් කළ බවත් කීවේය.
එක්සත් ජාතික පාක්ෂිකයොවත් , රටේ අනෙකුත් දේශපාලන මත දරන පිරිස් වත්, විශ්වාස කළේ නෑ මේ තරම් ඉක්මනට වෙයි කියලා. අපේ පක්ෂයේ නායක අග්‍රාමාත්‍ය රනිල් වික්‍රමසිංහ මහතාගේ බුද්ධි මහිමය නිසා අනෙකුත් විකල්ප දේශපාලන බලවේග වල දායකත්වය නිසා රාජපක්ෂ පාලනය අවසන් කිරීමට හැකිවූ බවත් මේ ජයග්‍රහණය තවදුරටත් තහවුරු කර ගැනීම උදෙසා කටයුතු කළ යුතු බවත් පැවසුවේය.
බලය අහිමිවී පැය 24ක් යන්න කලින් රාජපක්ෂ හිටපු ජනාධිපතිවරයාට ශ්‍රී ලංකා නිදහස් පක්ෂයේ සියළු තනතුරු අහිමිවුනා. ඔන්න ඕක තමයි අපේ නායකතුමයි අනෙකුත් පක්ෂ වල නායකයොයි අතර තියෙන වෙනස" යැයි ඔහු වැඩිදුරටත් පැවසිය.
