ඉංගිරිය පොලිස් ස්ථානයේ පොලිස් ස්ථානාධිපතිවරයා ලෙස කටයුතු කළ කාලයේ පොලිස් අත්අඩංගුවේ පසු වූ 16 හැවිරිදි තරුණයෙකු මියයාමේ සිද්ධියක් සම්බන්ධයෙන් රෝෂාන් ද සිල්වා මහතා සහ සෙසු කොස්තාපල්වරුන් දෙදෙනාට චෝදනා එල්ල වී තිබුණි.

මෙම සිදුවීම 1990 වසරේ සිදුවූවකි.

මේ සම්බන්ධයෙන් 1998 වසරේදී අතුරුදන්වූවන් පිළිබඳ සොයා බැලීමේ කොමිසමක් මගින් සිදු කළ විමර්ශනයකින් මේ පිළිබද අනාවරණ වී තිබේ.

අනතුරුව මේ සම්බන්ධයෙන් අපරාධ පරික්ෂණ දෙපාර්තමේන්තුවට පැමිණිලි කර අැත.

මේ සම්බන්ධයෙන් සිදු කළ පරික්ෂණවලින් අනතුරුව අපරාධ පරික්ෂණ දෙපාර්තමේන්තුව අදාල පොලිස් නිලධාරින්ට එරෙහිව පානදුර මහාධිකරණය හමුවේ 2006 වසරේදී නඩු පවරා අැත.

ඒ අනුව නඩුවේ තීන්දුව ප්‍රකාශයට පත් කළ පානදුර මහාධිකරණය කොළඹ අපරාධ කෙට්ඨාසයේ අධ්‍යක්ෂ පොලිස් අධිකාරි රෝෂාන් ද සිල්වා සහ පොලිස් කොස්තාපල්වරුන් දෙදෙනාට බරපතළ වැඩ සහිත වසර 08 ක සිරදඬුවම් නියම කළේය.