මෙසේ චිත්‍රපට සංස්ථාවේ නඩු සදහා රජයේ නීතීඥයන් වෙනුවට පෞද්ගලික නීතීඥ සමාගම්වල නීතීඥයන් යොදා ගැනු ලැබුවේ එහි හිටපු සභාපති අශෝක සේරසිංහ විසිනි. ඔහුගේ පාලන කාලය තුළ කම්කරු විනිශ්චය සභාව හමුවේ විභාගවුණු නඩු සදහා එක් නීතීඥයකුට දිනකට රුපියල් 15.000 ක් මුදලක් ගෙවා ඇත. සෙරසිංහ පාලන සමයේ නඩුහබ සදහා ලක්ෂ 25කට ආසන්න මුදලක් සංස්ථාවෙන් එසේ පෞද්ගලික නීතීඥයන් වෙනුවෙන් වැය කර ඇති බවද කියති.
සේරසිංහ සමයේ සිදුවූ විවිධ අක්‍රමිකතා නිසා සංස්ථා සේවකයන් අතරත් සිනමා ක්ෂේත්‍රය තුළත් ඔහු බලවත් අප්‍රසාදයට ලක්වීම නිසා පසුගිය ආණ්ඩු සමයේදීම ඔහු සභාපතිකමෙන් ඉවත් කරන්නට සිදුවිය. නව රජය යටතේ පත් කෙරුණු නව සභාපතිවවරයා යටතේදීත් පෙර පරිදිම එහි නඩුහබ සදහා පෞද්ගලික නීතීඤ සමාගම්වලට මහා භාණ්ඩාගාරයේ මුදල් මෙසේ කබාසිනියා කරන්නට ඉඩ ලබාදී තිබේ නම් යහපාලනයට දෙයියන්ගේම පිහිට බව සංස්ථා සේවකයෝ පවසති
