ජනාධිපති කාර්යාල ආරංචිමාර්ග සඳහන් කරන පරිදි, ''නවීන දේශයක්- අදීන ජාතියක්- සුහද සමාජයක් '' නමින් යුතු එම ප්‍රතිපත්ති ප්‍රකාශය කෙටුම්පත් කොට ඇත්තේ, හිටපු අමාත්‍ය ඩලස් අලහප්පෙරුම මහතාගේ මුලිකත්වයෙනි.
ජාතික නිදහස් පෙරමුණේ නායක විමල් විරවංශ, පිවිතුරු හෙළ උරුමය නායක උදය ගම්මන්පිල ද එම ප්‍රතිපත්ති ප්‍රකාශන කමිටුවේ සාමාජිකයින් ලෙස කටයුතු කර තිබේ.
රාජපක්ෂ පවුලේ ගෝත්‍රික වුවමනාවන්ට මෙරට ජනතා අභිලාෂයන් යටපත් කරමින් වසර 9ක් තිසේ ගෙන ගිය මිලිටරි ඒකාධිපති දූෂිත පාලනය මෙරට ජනතාව විසින් ප්‍රතික්ෂේප කිරීමෙන් අනතුරුව යළි අලුත් වෙස් මුහුණක් බැඳගෙන ජනතාව ගොනාට අැන්දීම සඳහා මේ නව ප්‍රතිපත්ති ප්‍රකාශනය සකසා ඇත.
නවීන දේශයක්- අදීන ජාතියක්- සුහද සමාජයක් යන අරමුණු ත්‍රිත්වයේ මුලික වගකීම හා යුතුකම සපුරාලමින් දිනූ දේශය යලි ගොඩනැගීම සඳහා දොළොස් වැදෑරුම් ප්‍රතිපත්ති මාලාවක් ඉදිරිපත් කරන බව එහි කෙටුම්පත් සම්පාදකයින් පවසති.
2015 මහ මැතිවරණය ඉලක්ක කර ගනිමින් කෙටුම්පත් කර ඇති එම ප්‍රතිපත්ති ප්‍රකාශනය පිටු 19 කින් යුතුවේ.
දේශපාලන පලිගැනීම සඳහා, යහපාලන ආණ්ඩුව පවතින නීතියෙන් පරිබාහිරව පිහිටුවන ලද ආයතන සියල්ල විසුරුවා හරින බවත්, දේශපාලන අධිකාරිය විසින් යට ගසන ලද මහා බැංකු ණයකර වංචාව වැනි මහ පරිමාණ දුෂණ වලට සම්බන්ධ පුද්ගලයින්ට තරාතිරම නොබලා පවතින නීති රාමුව තුල දඬුවම් පැමිණවීමට කටයුතු කරන බවත් එම ප්‍රතිපත්ති ප්‍රකාශනයේ සඳහන් වේ.
එම ප්‍රතිපත්ති ප්‍රකාශනය පහත පළවේ.
