ජනතා සේවයට කැපවූ ,මහජනතාවට සමීප වෙමින් යහපාලන ප්‍රතිපත්තිය ක්‍රියාවට නගන ,වැරදි හා දූෂණ වලින් තොර ආදරශවත් මහජන නියෝජිතයන් පිරිසක් බිහිකර ගැනීම මෙහි අරමුණ වී තිබේ.
මෙරට මහනගර සභා 23ක්ද,නගර සභා 41ක්ද ,ප්‍රාදේශීය සභා 271ක්ද වශයෙන් පළාත්පාලන ආයතන 335ක් ක්‍රියාත්මකව පවතින අතර ,එම පළාත් පාලන ආයතන සදහා මන්ත්‍රීවරු සහ සභිකයින් 4,486ක් මහජන ඡන්දයෙන් තෝරා පත් කර ගනු ලබයි. මෑත කාලසීමාව තුළ සිදු කරන ලද විමසීම් අනුව පළාත් පාලන ආයතන වල මහජන නියෝජිතයින් ගෙන් 104 කට එරෙහිව විවිධ චෝදනා සම්බන්ධව පරීක්ෂණ පැවැත්වීම හෝ චෝදනා පත්‍ර ඉදිරිපත් කිරීම හෝ අධිකරණ ක්‍රියාමාර්ග ගැනීම සිදුවෙමින් පවතී.
මේ හේතුවෙන් ආචාර ධර්ම පද්ධතියක අවශ්‍යතාව පැන නැගී ඇති නිසා පළාත් සභාවල අදහස් ලබා ගැනීමෙන් අනතුරුව එය ක්‍රියාත්මක කිරීමට යෝජනාවූ අතර ඒ සදහා අද කැබිනට් අනුමැතිය හිමිව ඇත.
මෙම යෝජනාව කරු ජයසූරිය ඇමතිතුමා සහජනක බණ්ඩාර තෙන්නකෝන් ඇමතිතුමා විසින් ඉදිරිපත් කළ ඒකාබද්ධ යෝජනාවකි.
