ස්වභාවික සම්පත් වල පිහිටීම අතින් ශ්‍රී ලංකාවට වැදගත් ස්ථානයක් හිමිවන බව ජනාධිපතිවරයා පෙන්වාදුන්නේය.වෙනත් රටවලට සාපේක්ෂ ශ්‍රී ලංකාව ස්වභාවික සම්පත් වල පිහිටීම අතින් ප්‍රමුඛ වන අාකාරය පිළිබදව ඔහු මෙහිදී අදහස් දැක්වූයේය.
රට අභ්‍යන්තරයේ සිට ගංඟා 103ක් මුහුදට ගලාගෙන යන නමුත් ජල කළමනාකරණය කිරීමේ දුර්වලතා නිසා නියග වැනි තත්ත්වයන්ට මුහුණදීමේදී ගැටලු මතුව ඇති බව කියා සිටියේය.
ලොව සංවර්ධනය වූ රටවල ජලය කළමනාකරණයට ඇත්තේ එක් ආයතනයක් වුවද අපේ රටේ පමණක් ඒ සඳහා ආයතන කිහිපයක්ම ඇති බව ඔහු පෙන්වා දුන්නේය.
මෙම අවස්ථාවට අධ්‍යාපන ඇමති අකිල විරාජ් කාරියවසම්, නාගරික සංවර්ධන ඇමති රවුෆ් හකීම්, නියෝජ්‍ය ඇමති දුනේෂ් ගන්කන්ද, ආපදා කළමනාකරණ ඇමති ඒ.එච්.එම් ෆවුසි හා ළමා කටයුතු රාජ්‍ය ඇමතිනි රෝසි සේනානායක මහත්මිය ඇතුළු පිරිසක් එක්ව සිටියහ.
