ඔහු මෙසේ සඳහන් කලේ දඹදෙනිය, මහරච්චිමුල්ලේ පැවති ශ‍්‍රී ලංකා නිදහස් පක්ෂ රට නගමු නිල් රැල්ල ආසන නියෝජිත සම්මන්ත‍්‍රණ මාලාවේ රැස්වීමක් අමතමිනි.

‘ශ‍්‍රී ලංකා නිදහස් පක්ෂයට විතරක් වුවත් ආණ්ඩුවක් කරගෙන යෑමට පුළුවන්. එහෙම කියලා අපේ සහෝදර පක්ෂ හෑල්ලූ කරන්නේ නෑ. එසේ වුණත් අපි තීන්දු ගන්නේ ශ‍්‍රී ලංකා නිදහස් පාක්ෂිකයන්ගේ මතයට ගරු කරලයි. ශ‍්‍රී ලංකා නිදහස් පක්ෂයට ලොකු බලයක් ලැබුනේ මහින්ද රාජපක්ෂ ජනාධිපතිතුමාගේ රාජ්‍ය බලය කාලයේදීයි.

අද මේ රජයේ සංවර්ධන පරිවර්තනයේ සැබෑ කොටස්කරුවන් ශ‍්‍රී ලංකා නිදහස් පක්ෂයේ තමුන්නාන්සේලායි. ඒ පිළිබදව තමුන්නාන්සේලාට අපි උපහාරය පුද කරනවා. පක්ෂය ජයග‍්‍රහණය කිරීමට පමණක් නොව, ශ‍්‍රී ලංකා නිදහස් පක්ෂය පැරදුනු වෙලාවෙත් එය රැකගන්නට පෙරමුණ ගත්තේ පාක්ෂිකයනුයි. ඒ නිසා අද අපිට ශක්තිමත් රජයක් ලැබී තිබෙනවා’ යයිද ඇමතිවරයා එහිදී කියා සිටියේය.