මෙම වැඩසටහන යටතේ ප්‍රතිලාභීන් ලෙස තෝරා ගැණෙන්නේ ත්‍රස්තවාදී ක්‍රියාකාරකම්වල නිරතව සිට මේවන විට පුනරුත්ථාපනය ලැබ සමාජගත කෙරෙනු පුද්ගලයින්ය. ඔවුනගේ ජීවිකාව කර ගෙන යාම වෙනුවෙන් ස්වයං රැකියා සඳහා ණය ප්‍රදානය කිරීම මේ වැඩසටහන යටතේ සිදු කෙරේ.

2,500ක පමණ පිරිසක් මේ යටතේ දැනට ප්‍රතිලාභ ලබා ඇති අතර දැනට ණය අයදුම්පත් 7,000ක් ලැබී අැති බව ද වාර්තා වේ.

පසුගිය වසරේ දෙසැම්බර් මාසය වන විට මෙම වැඩපිළිවෙල යටතේ රුපියල් කෝටි 30කට අධික මුදලක් ණය වශයෙන් ප්‍රදානය කර ඇත.

මෙම වැඩසටහන යටතේ ප්‍රතිලාභ ලබා ගන්නා පිරිස් සංඛ්‍යාව වැඩි කිරීම වෙනුවෙන් අමාත්‍ය මණ්ඩල අනුමැතිය ලබා ගැනීම සඳහා පත්‍රිකාවක්ද ඉදිරිපත් කර තිබේ.

ආරම්භයේ දී ස්වයං රැකියාණය ලබා දීමේ වැඩසටහන සඳහා ලංකා බැංකුව සම්බන්ධ කර ගෙන ඇති අතර මේවන විට මහජන බැංකුව, ලංකාපුත්‍ර බැංකුව සහ ජාතික ඉතිරි කිරීමේ බැංකුව සම්බන්ධ කර ගැනීම රජය අපේකෂාවයි.