මේ පිළිබඳ දිගින් දිගටම විවේචන එල්ල වෙනවා. කොහොම උනත් නවතම පරීක්ෂණයකට අනුව හෙළි වී තිබෙන්නේ ඉපදුණ ගමන් දරුවන්ට ipad ලබාදිය යුතු බවයි.
ලංඩන් විශ්ව විද්‍යාලයේ සිදු කරපු පරීක්ෂණයකින් තහවුරු වෙලා තියෙන්නෙ අලුත උපන් දරුවන්ගේ මොළය පොත්වලට වඩා ipad නිසා උත්තේජනය වන බවයි.
කෙසේවෙතත් මීට පෙර දරුවන් එක දිගට තිරයක් දෙස බල සිටීමෙන් සමාජීය හැකියාවන් මොට වෙන බවට මතයක් පළවිය. මේ නව මතය හරහා එය ප්‍රතික්ෂේප කෙරෙනවා.
මේ පරීක්ෂණයේ මූලිකත්වය ගෙන කටයුතු කරපු මහාචර්ය ඇනට් ස්මිත් පවසන පරිදි උපතේ සිටම කුඩා දරුවන්ට tab පරිගණක ලබා දිය යුතුයි. ඇය පවසන්නේ කුඩා අවදියේදී දරුවන්ගේ දෘෂ්ඨි පද්ධතිය ආකර්ෂණය වන්නේ වෙනස්වීම් වලට බවයි. මහාචර්යවරියගේ අදහස අනුව පොත් නොසෙල් වී පවතින බැවින් කුඩා දරුවන් පොත් පෙරලීමට වැඩි කැමැත්තක් දක්වන්නේ මේ හේතුව නිසායි.
එසේම මාස 6 සිට 10 දක්වා කුඩා දරුවන් tab පරිගණකයක අංක පෙන්වීමේදී වඩා හොඳින් හඳුනා ගන්න බව අනාවරණය වී තිබෙනවා.
නමුත් මීට පෙර එංගලන්ත රාජකීය ආයතනයේ සුසෑන් ග්‍රීන් ෆීල්ඩ් පැවසුවේ දරුවන් පරිගණක තිර වලට නිරාවරණය වීම සහ පරිගණක ක්‍රීඩාවල යෙදීම හරහා තාවකාලික මානසික රෝගයන්ට ගොදුරු විය හැකි බවයි. එසේම අනවශ්‍ය ඇබ්බැහිය හරහා මොලයට හානි සිදුවන බව ඇය පවසා තිබුණි.
