ඉදිරි පාර්ලිමේන්තු මැතිවරණයේදී ජනතා විමුක්ති පෙරමුණ ජනතාව දැනුම්වත් කරනුයේ මෛත්‍රීපාල සිරිසේන මහතාගේ කඩේ බඩු ෂුවර් නොමැති බවත් හවුල් ආණ්ඩුව එක්ව ගෙවී ගිය මාස කිහිපය තුළ පවත්වාගෙන ගිය කඩයේ බඩුත් ෂුවර් නොමැති බව යැයි පවසා සිටියේය.
මෙවන් තත්වයක් මත ඉදිරි පාර්ලිමේන්තු මැතිවරණයේදී මෙන්ම පත්වන නව පාර්ලිමේන්තුව තුළ කටයුතු කරන්නේද තනිවම බව ජනතා විමුක්ති පෙරමුණ සඳහන් කරයි.
ජනතා විමුක්ති පෙරමුණ පැවසූ දේ අද වනවිට රටට ඔප්පුවී තිබෙන නිසා ජනතා විමුක්ති පෙරමුණ වටා විශාල පිරිසක් මේ වනවිට ඒකාරාශී වී සිටින බව ප්‍රධාන ලේකම්වරයා සඳහන් කළේය.
මේ හරහා ජනතා විමුක්ති පෙරමුණට පාර්ලිමේන්තුවේ නියෝජන ප්‍රමාණය ඉහළ යන බව සදහන් කළේය. ජනතා පැතුමන් ඉටුකිරීම සඳහා පාර්ලිමේන්තුව තුළ ජනතා විමුක්ති පෙරමුණ තනි කණ්ඩායමක් ලෙස කටයුතු කරන බව ඔහු පවසා සිටියේය.
