අගමැතිවරයාට එරෙහිව විශ්වාසභංග යෝජනාවක් ඉදිරිපත් කිරීම සහ එයට පාර්ලිමේන්තු මන්ත‍්‍රීවරුන් විමසා බැලීමකින් තොරව අත්සන් තැබීම ගැන කනගාටුවන බව අස්ගිරි මහානායක අතිපුජ්‍ය ගලගම අත්තදස්සි නාහිමියන් පවසයි.
අස්ගිරි නාහිමියන් බැහැදැකීමට වැවිලි කර්මාන්ත අමාත්‍ය ලක්ෂ්මන් කිරිඇල්ල මහතා අස්ගිරි මහා විහාරයට ඊයේ (09) පැමිණි අවස්ථාවේදී ඇති වූ කතාබහ අතර තුර අස්ගිරි නාහිමියන් මේ බව පැවසුවේය.
“ඔළුවක් තියෙනවා නම් ඔහොම කරන්නේ නෑ” යනුවෙන් අවධාරණය කරමින් උන්වහන්සේ පවසා අැත්තේ රජයක් බලයට පත්ව සංවර්ධන කටයුතු ක‍්‍රියාත්මක කිරීමට කාලයක් ගතවන නිසා එවන් කාලයක් ලබාදීමටත් කලින් විශ්වාසභංගයක් ගෙන ඒම වැදගත් නොවන බවය.
ඇතැම් මහජන නියෝජිතයන්ගේ කටයුතු නිසා ජනතාව අතර සාමය බිද වැටෙන බවද අස්ගිරි නාහිමියන් පෙන්වාදුන්නේය.
