පාර්ලිමෙන්තු මන්ත්‍රි දිනේෂ් ගුණවර්ධන මහතා, අර්ජුන් මහේන්ද්‍රන් මහතාව මෙසේ මහබැංකු අධිපති ධුරය දැරීම නීත්‍යානුකුල දැයි නැඟු ප්‍රශ්ණයකට පිළිතුරු දෙමින් අග්‍රාමාතවරයා පාර්ලිමේන්තුවේදී ඊයේ (03) මේ බව පැවසිය.
‘‘අර්ජුන් මහේන්ද්‍රන් කියන්නේ ලංකාවේ ඉපදුන කෙනෙක්. ලංකාවේ පුරවැසියෙක් හැටියට, ලංකාවේ හැදුණු වැඩුණ කෙනෙක්. ලංකාවේ අධ්‍යාපන ලබපු කෙනෙක්. ඒවගේම ලංකාවේ රැකියා කරපු ලංකාවට ආදරය කරන උගත් බුද්ධිමත් කෙනෙක්. ඔහු මුළින්ම රැකියාව කළේ ශ්‍රී ලංකා මහබැංකුවේ. අවුරුදු 11 ක් ඔහු මහ බැංකුවේ රැකියාව කලා. 2004 වසරේ සන්ධාන ආණ්ඩුව බලයට පත් වු පසු එතුමා එම තනතුරෙන් ඉවත් වුණා. රාජපක්ෂ රෙජිමය නිසා තමයි එතුමාට රැකියාවෙන් ඉවත් වෙලා පිටරට යන්න වුණේ යැයි අගමැතිවරයා සදහන් කළේය.
කීත් නොයාර්, පෝද්දල ජයන්ත, උපාලි තෙන්නකෝන්, මන්දනා ස්‌මයිල් යන අයට දරුණු වධබන්ධන එල්ල වූ පසු ඒ අය රට අතහැර ගිය බවත් මරණ බියෙන් රට අතහැර ගිය හිටපු පොලිස් මාධ්‍ය ප්‍රකාශක ක්‍රිශාන්ත ජයකොඩි, අර්ජුන් මහේන්ද්‍රන් වැනි අයට මෛත්‍රීපාල සිරිසේන ජනාධිපතිතුමා බලයට පත්වූ පසු මෙරටට ඒමට හැකි වාතාවරණය සැකසූ බවත් අග්‍රාමාත්‍යවරයා සවිස්‌තරාත්මකව කියා සිටියේය.
ශ්‍රී ලංකාවේ රැකියාවක් කිරීමට හෝ ව්‍යාපාරයක් කිරීමට විදේශ පුරවැසියන්ට බාධාවක් නොවන බවත් ව්‍යවස්ථාව මගින් විදේශ පුරවැසියන්ට සිමා පනවා ඇත්තේ මහජන නියෝජිතයින් ලෙස කටයුතු කිරීමට නොහැකි වන ලෙස පමණක් බව අගමැතිවරයා පැවසිය.
