අජිත් පී පෙරේරා ෂන්හයි සහයෝගිතා සංවිධානයේ ඉහළ පෙළේ සමුළුවට

Published in පුවත්

Wednesday, 03 June 2015 15:53

Be the first to comment!

අජිත් පී පෙරේරා ෂන්හයි සහයෝගිතා සංවිධානයේ ඉහළ පෙළේ සමුළුවට

අද ඇරඹුනු ෂන්හයි සහයෝගිතා සංවිධානයේ ඉහළ පෙළේ සමුළුව සදහා ශ්‍රී ලංකාව නියෝජනය කරමින් විදේශ කටයුතු නියෝජ්‍ය අමාත්‍ය අජිත් පී පෙරේරා මහතා සහභාගි වේ. මෙම සමුළුව අද(03) සිට ලබන 05 වන දා දක්වා පැවැත්වේ. නියෝජ්‍ය අමාත්‍යවරයා මෙම සමුළුව ඇමතීමට නියමිත අතර මෙම සමුළුවේ තේමාව වන්නේ ආරක්ෂාව හා කළාපීය ස්ථාවර භාවය යන්නයි.

සාමාජික රටවල්, නිරීක්ෂණ මට්ටමින් සහ සංවාද පාර්ශවයන් ලෙස රටවල් රැසක් මෙම සමුළුවට සහභාගි වේ. සමුළුව අවසානයේ ඒකාබද්ධ ප්‍රකාශයක්ද නිකුත් කිරීමට නියමිතයි.

ෂන්හයි සහයෝගිතා සංවිධානය 2001 වසරේ ස්ථාපිත වූ සංවිධානයකි.

මෙහි සාමාජික රටවල් ලෙස චීනය,රුසියාව, කසකස්ථානය, කිර්ගිස්ථානය, තජිකිස්ථානය සහ උස්බෙකිස්ථානය කටයුතු කරයි.

නිරීක්ෂණ මට්ටමින් ඇෆ්ගනිස්ථානය,ඉන්දියාව,ඉරානය,මෙ‍ාන්ගෝලියාව සහ පකිස්ථානය යන රටවල් සහභාගිවේ.

මෙහි සංවාද පාර්ශවයන් ලෙස ශ්‍රී ලංකාව,තුර්කිය සහ බෙලරුස් රාජ්‍යයන් එක්වේ.