අද රැස්වුණු පාර්ලිමේන්තුවේ දී පාර්ලිමේන්තු මන්ත්‍රී දිනේශ් ගුණවර්ධන මහතා විසින් අසන ලද ප්‍රශ්නයකට අග්‍රාමාත්‍ය රනිල් වික්‍රමසිංහ සහ සභානායක ලක්ෂ්මන් කිරිඇල්ල යන මහත්වරුන් ප්‍රතිචාර දැක්වීමේදී සභාවේ උණුසුම් වචන හුවමාරුවක් සිදුවූ බව වාර්තාවේ.
එම අවස්ථාවේදී ලක්ෂ්මන් කිරිඇල්ල මන්ත්‍රීවරයා පවසා ඇත්තේ මෙම පාර්ලිමේන්තුව මතභේදාකාරී තත්ත්වයක් තුළ පවත්වාගෙන යාමට කිසිදු අවශ්‍යතාවක් නොමැති බව හා එක්සත් ජාතික පක්ෂයේ තමන් එය විසුරුවා හරින ලෙස නිරන්තරයෙන් ඉල්ලා සිටින බවයි.
එයට ප්‍රතිචාර දක්වමින් ආණ්ඩු පක්ෂයේ මෙන්ම විපක්ෂයේ බොහෝ මන්ත්‍රීවරු පිරිසක් සභාවෙන් නැගී සිටියහ.
කෙසේ වෙතත් වාසුදේව නානායක්කාර, සුසිල් ප්‍රේම්ජයන්ත්, විපක්ෂ නායක නිමල් සිරිපාලද සිල්වා, විමල් වීරවංස යන මන්ත්‍රීවරු නැගිටිමෙන් වැළකී සිටියහ.
එහිදී කථානායක චමල් රාජපක්ෂ මහතා පවසා ඇත්තේ මන්ත්‍රීවරුන් අසුනෙන් නැඟිට ඉල්ලා සිටින්නේ පාර්ලිමේන්තුව විසුරුවා හරින ලෙස නම් තමාද එයම යෝජනා කරන බවයි.
