මියයන විට ඔහුගේ වයස අවුරුදු 94 කි.
වෘත්තීයෙන් රාජ්‍ය සේවකයෙකු වූ ජේ.එච්.ජයවර්ධන කලාවට සම්බන්ධ වන්නේ ගුවන් විදුලිය හරහාය. අධිෂ්ඨානය, හඳයා, දඩයම වැනි චිත්‍රපට රැසකට රංගන දායකත්වය සපයා ඇති ජේ.එච්.ජයවර්ධන කැළණි පාලම, මකරාක්ෂයා වැනි වේදිකා නාට්‍යය වල ද රගපා තිබේ. ඔහුගේ ප්‍රථම ගුවන් විදුලි නාට්‍යය වුයේ "සීගිරි නළඟන" නම් වු නාට්‍යයයි.
හිරුට මුවාවෙන් ටෙලි නාට්‍යයේ ලොකු අප්පච්චි චරිතය රගපෑ ඔහු මෙරට ජනතාවගේ හදවතට සමීප වූ කලාකරුවෙකි.
ඔහුගේ දේහය පිළිබඳ අවසන් කටයුතු හෙට(04) පස්වරුවේ වැලිසර පොදු සුසාන භූමියේදී සිදුකිරීමට නියමිතය.
