ඉකුත් 5 දා පානදුර කෙසෙල්වත්ත පොදු වෙළෙඳපොළ සංකීර්ණය විවෘත කිරීමේ උත්සවයේදී අමාත්‍යවරයා එසේ පැවසීය.
පානදුර ප්‍රාදේශීය සභා අරමුදල් කෝටි දෙකකට ආසන්න මුදලක්‌ වැය කර ඉදිකර ඇති වෙළෙඳ සංකීර්ණය විවෘත කරමින් අමාත්‍යවරයා තවදුරටත් මෙසේද පැවසුවේය.
'මම දේශපාලනයේදී ගෝලයන් හැදුවා මිස එහෙයියන් වන්දිභට්‌ටයන් හැදුවේ නැහැ. මම දේශපාලනයේදී තනි වුණත් මම මගේ හෘදසාක්‍ෂියට අනුව කටයුතු කරනවා. ගත යුතු තීරණ ගන්නවා. හිටපු ජනාධිපතිවරයා සමග නැවත එක්‌ වී ශ්‍රී ල. නි. පක්‍ෂය දිනවන්න කටයුතු කිරීමට අපේ පක්‍ෂයේ අයම කතා කරනවා. අද අපේ පක්‍ෂයේ අය පත්ව තිබෙන අසීරුතාවට ඔවුන් පත් කළේ කවුද? ඉදිරියට වසර දෙකක්‌ තිබියදීත් ගත් වැරදි තීරණය නිසා හිටපු ජනාධිපතිවරයා පරාජය වුණා. ශ්‍රී ලංකා නිදහස්‌ පක්‍ෂය ආරක්‍ෂා කරගෙන නැවත ජයග්‍රහණය කරා මෙහෙයවන්න එවැනි වැරදි තීරණ ගත්ත අයට බැහැ. එය කළ හැක්‌කේ අපට පමණයි. අපි ජීවත් වන්නේ ශ්‍රී ලංකාවේයි. මේ රටේ සිංහල දෙමළ මුස්‌ලිම් බර්ගර් ආදී ජාතීන් කිහිපයක්‌ම වාසය කරනවා. ඒ අය විවිධ ආගම් අදහනවා. ආගම්වාදී ජාති වාදවලින් තොරව මේ රට ඉදිරියට ගෙන යා යුතුයි.
දිවයින ඇසුරෙනි
