එසේ පැමිණි ඇමරිකානු නිලධාරීන් පොලිස්‌ මූල්‍ය අපරාධ කොට්‌ඨාසයේ ජ්‍යෙෂ්ඨ නිලධාරීන් ද මුණගැසී තිබේ.
දැනට ක්‍රියාත්මක කර තිබෙන පරීක්‍ෂණ කටයුතුවලට අවැසි සහාය ලබාදීමට හා ශ්‍රී ලංකාවෙන් පිටත සිදුවන විමර්ශන කටයුතුවලදී විශේෂයෙන් ඇමරිකාව පදනම් කරගත් විමර්ශනවලදී ඒ සඳහා සෘජුවම මැදිහත් වීමටත් ඔවුහු කැමැත්ත පළ කර ඇත.
ඇමරිකා නිලධාරීන්ගේ පැමිණීම පිළිබඳ නිල තොරතුරු එසේ වුවත් දැන ගැනීමට ලැබී තිබෙන පරිදි ඔවුන්ගේ පැමිණීම පසුගිය රජය සමයේ ඇමරිකාවේ සේවය කළ ශ්‍රී ලංකා රාජ්‍ය තාන්ත්‍රිකයකුගේ ක්‍රියා කලාපය සම්බන්ධයෙන් වත්මන් ශ්‍රී ලංකා රජය දැනුවත් කිරීමේ අරමුණින්ද සිදු වූවකි. මෙම පුද්ගලයා රාජ්‍ය තාන්ත්‍රික කටයුතුවල යෙදෙන මුවාවෙන් තම වෘත්තීමය තත්ත්වයට නොගැළපෙන ක්‍රියාකාරකම් වල නිරත වී අතිවිශාල මුදල් සම්භාරයක්‌ උපයාගෙන ඇති අයුරු පිළිබඳ තොරතුරු දිවයිනට පැමිණි ඇමරිකා නිලධාරීන් විසින් රජයට හෙළිකර ඇතැයිද පැවසේ.
මෙම පරීක්‍ෂණ සඳහා ඉන්දියාවද සහාය ලබාදෙන බව මීට පෙර ප්‍රකාශ කර තිබිණි.
divaina
