මෙතෙක් පැවති රෙගුලාසීවලට අනුව විවාහයක දී කාන්තාවකට හැර වෙනත් පුද්ගලයෙකුට සේවක අර්ථ සාධක අරමුදලෙන් මුදල් ලබා ගැනීමට හැකිවුයේ වයස අවුරුදු 55 සම්පූර්ණ වු විටය. අද සිට ලැබෙන පහසුකම නිසා එම තත්ත්වය වෙනස් වන බව කම්කරු අමාත්‍ය එස්.බී නාවින්න මහතා පැවසුවේය.
අදාල පහසුකම ලබා දෙන්නේ නිශ්චිත අරමුණු සඳහාය.
මෙම පහසුකම ලබා ගැනීම සඳහා කිසියම් පුද්ගලයෙකු සම්පූර්ණ කළ යුතු අවශ්‍යතා කිහිපයක් ද වේ. සේවක අර්ථ සාධක අරමුදල සඳහා අවම වශයෙන් වසර 10ක් සාමාජික මුදල් ගෙවා තිබීම ඒවායින් පළමු අවශ්‍යතාවවේ. එහි සිය ගිණුමේ ශේෂය රුපියල් ලක්‍ෂ 03ක් හෝ ඊට වැඩියෙන් පැවතීම තවත් අවශ්‍යතාවකි.
අදාල මුදල ලබාදෙන්නේ ණයක් ලෙස නොවන අතර ලබාදෙන මුදල ගිණුමේ ශේෂයෙන් අඩුවේ.
