වනජීවී අධ්‍යක්ෂවරයා සඳහන් කළේ අධිකරණ නියෝගවලට අනුව අදාළ අලි පැටවුන් සිය භාරයට ගෙන ඇති බවයි.
මේ අතර සැක සහිත ලෙස මියගොස් වළ දමා ඇතැයි සැලකෙන අලි පැටවුන් දෙදෙනෙකුගේ සිරුරු සොයා මහරගම ප්‍රදේශයේ විහාරස්ථාන භූමියක කැනීම් ආරම්භ කර තිබේ.
අධිකරණ නියෝගයකට අනුව අපරාධ පරීක්ෂණ දෙපාර්තමේන්තුව සහ වනජීවී දෙපාර්තමේන්තුව එක්ව ඊයේ දිනයේ අදාළ කැනීම් ආරම්භ කළ අතර මෙතෙක් ඒ පිළිබඳ කිසිදු තොරතුරක් වාර්තා වී නැත.
ඒ අනූව අද දිනයේත් කැනීම් කටයුතු සිදුකරන බව පොලීසිය සඳහන් කළේය.
අතිරේක මහේස්ත්‍රාත්වරයෙකු ළඟ සිටි බව කියන අලි පැටවෙකුද බත්තරමුල්ලේ වනජීවී කාර්යාලයට භාරදී තිබේ.
වනජීවී අධ්‍යක්ෂ ජනරාල් එච්. ඩී. රත්නායක මහතා සඳහන් කළේ අදාළ අලි පැටවා ඊයේ රාත්‍රී වනජීවී කාර්යාලයට ගෙනැවිත් භාරදී ඇති බවයි.
මේ අතර හීලෑ අලි ඇතුන් මෙරටින් තුරන් කිරීමේ ජාවාරමක් ක්‍රියාත්මක වන බව හීලෑ අලි ඇතුන් සුරැකීමේ ජාතික ව්‍යාපාරයේ සභාපති පූජ්‍ය මාගල්කන්දේ සුදන්ත හිමියන් සඳහන් කළේය.
