එම පක්ෂයේ පාර්ලිමේන්තු මන්ත‍්‍රී, සභා නායක, අමාත්‍ය ලක්ෂ්මන් කිරිඇල්ල මහතා කොළඹ අද (06)පැවති මාධ්‍ය හමුවකදී කියා සිටියේ පාර්ලිමේන්තුව විසුරුවන තුරු තම පක්ෂය ද ඉතා නොඉවසිල්ලෙන් බලාහිඳින බවයි.

මහින්ද රාජපක්ෂගේ ප්‍රතිපත්ති,තීරණ ක්‍රියාත්මක කිරීමට පත්වූ පාර්ලිමේන්තුව දැන් වෙනස් විය යුතු බවත් නව ජනාධිපතිවරයෙක් සමග නව පාර්ලිමේන්තුවක් අවශ්‍ය බවත් පැවසුවේය. පරණ අයට ඉවත්වීමටත් නව අයට පැමිණීමටත් කාලය එළඹ ඇති බව ඔහු පැවසුවේය.

වැවිලි කර්මාන්ත අමාත්‍යවරයා වශයෙන් වැවිලි කර්මාන්ත අමාත්‍යාංශයේ දින සියය‍ වැඩසටහනට අදාළව ලබා දුන් පොරොන්දු අතර තේවලට සහතික මිලක් ලබා දීම,රබර් වලට සහතික මිලක් ලබාදීම,සෑම වතු කම්කරුවෙකුටම පර්චස් 7 ක බිම් කැබැල්ලක අයිතිය ලබාදීම සහ බාල පොහොර භාවාතය අවම කිරිම යන පොරොන්දු ඉටු කිරීම මේ වන විට ආරම්භ කර ඇති බවත් ඔහු සදහන් කළේය.

සම්පූර්ණ මාධ්‍ය සාකච්ඡාවට පහතින් සවන් දෙන්න

{soundcloud}https://soundcloud.com/lankadaily/kirialla-1mp3{/soundcloud}