මේ අතර හිටපු ජනාධිපති ලේකම් ලලිත් වීරතුංග මහතාට එල්ල වී ඇති චෝදනා සඳහා ඔහුව අත්අඩංගුවට ගැනිමේ සූදානමක් ඇති බවට පසුගියදා මාධ්‍ය වර්තා පලවී තිබුණු නමුදු ඔහුව අත්අඩංගුවට නොගන්නා ලෙස ජනාධිපතිවරයාටත් අගමැතිවරයාටත් විශාල බලපෑමක් එල්ල වෙමින් තිබෙන බවත් වාර්තා වේ.
විශේෂයෙන්ම රාජ්‍ය පරිපාලන සේවයට අයත් ඉහළ නිළධාරීන් රැසක් වීරතුංග මහතාව අත් අඩංගුවට නොගෙන නීතිය ක්‍රියාත්මක කරන ලෙස ඉල්ලා ඇත. ඊට හේතුව ලෙස රාජ්‍ය නිළධාරී අතර ඉහළම නිළධාරී තනතුර වන ජනාධිපති ලේකම් ධුරය ඉසිලූ තැනැත්තාව අත් අඩංගුවට ගැනීම රාජ්‍ය සේවය සම්බන්ධයෙන් කැලලක් ඇති වීමත් අනෙක් රාජ්‍ය නිලධාරීන්ද බියපත් වීමත් සිදුවනු ඇති නිසා බව ඔවුන් පෙන්වා දී තිබේ.
