ආයෝජන හරහා ශ්‍රී ලංකාවේ ආර්ථිකය ශක්තිමත් කිරීමට සැලසුම් කර ඇති නව රජයේ බලාපොරොත්තු ශක්තිමත් කිරීම සඳහා ඇමරිකානු ආයෝජකයින්ගේ සහය ලැබෙනු ඇතැයි විශවාසයක් පවතින බව මංගල සමරවීර මහතා පවසයි. ජෝන් කෙරී මහතාගේ පැමිණීම ශ්‍රී ලංකාව සහ ඇමරිකාව අතර ශක්තිමත් සබඳතාවයක් ගොඩනැගීමට හේතුවනු ඇති බවයි විදේශ කටයුතු ඇමතිවරයා වැඩිදුරටත් සඳහන් කරයි.
ජෝන් කෙරී මහතාගේ ශ්‍රි ලංකා සංචාරයට සමගාමීව ශ්‍රී ලංකාව හා ඇමෙරිකාව අතර වෙළදාම හා ආයෝජනය ඩොලර් බිලියන 2.5ක් දක්වා ඉහළ නැංවිමට ඇමෙරිකාවේ අවදානය යොමුව තිබෙන බව හින්දු පුවත් සේවය සඳහන් කරයි.
එහිදී ප්‍රමුඛ වශයෙන්ම ශ්‍රී ලංකාවේ භාණ්ඩ ඇමෙරිකාව වෙත ආනයන කිරීම වෙනුවෙන් වැඩි අවදානයක් යොමුකරයි. මෙහිදී ශ්‍රී ලංකාවේ මානව හිමිකම් හා ප්‍රජාතන්ත්‍රවාදය ඉහළ නැංවීම, දූෂණය පිටුදැකීම වැනි ක්‍රියාමාර්ග පිළිබඳවද සාකච්ඡා කිරිමට නියමිත බව වාර්තා වේ.
