ඊයේ පර්ලිමේන්තුවේදී ගාමිණී ලොකුගේ විමල් වීරවංශ වැනි මන්ත්‍රීවරුන්ගෙන් මූල්‍ය වංචා විමර්ශන කාර්යාංශය පිහි‍ටුවීඑම කෙරෙහි දැඩි විරෝධයක් එල්ල විය.
ගාමිණී ලොකුගේ මහතා කළ ප්‍රකාශයකට පිළිතුරු දෙමින් අගමැතිවරයා,මම පොලිස්‌කාරයෙක්‌ නොවේ. අද වන විට රටේ මූල්‍ය අපරාධ රැසක්‌ සිදුව තිබෙනවා. කොටස්‌ වෙළෙඳපොළේ මුදල් ඉවත් කිරීම, මුදල් විශුද්ධිකරණය, ටෙන්ඩර් දමා බොරුවට මුදල් වංචා කිරීම, ඒ කීපයක්‌. මේවා විභාග කරන්න අවශ්‍ය දැනුම පොලිසියට තිබුණේ නෑ. ඒ නිසා එංගලන්තයේ තිබෙන ආකාරයට අපි විශේෂ අංශයක්‌ ආරම්භ කිරීමට පියවර ගන්නවා. දැනටමත් ඇමරිකාවේ සහ ඉන්දියාවේ විශේෂඥයන්ගේ පුහුණුව අපේ අයට දී තිබෙනවා. අපිට දැනුම නැතිනම් පිට අය ඒ සඳහා ගෙන එන්න බෑ. දැන් මේ වංචා සොයන්න පටන් ගත්තාම සමහරුන්ට බඩ යනවා. කවදාවත් මේවා සොයා බලන එකක්‌ නෑ කියලයි හිතුවේ. මේ තොරතුරු අපට දෙන අය ගැන දැනගත්තොත් පුදුමවේවි. අපේ රටේ මෙවැනි මූල්‍ය අපරාධ යළි කරන්න බැරි විදියට මේ අවුරුද්ද අවසන් වෙන්න කලින් අපි දරුණු මූල්‍ය වංචා සෙවීමේ කාර්යාංශයක්‌ පිහිටුවනවා. අල්ලස්‌ කොමිසම හමුවේ ලිපිගොනු දහස්‌ ගණනක්‌ තිබුණා. මේවා හොයන්න එපා කියනවාද? යනුවෙන් පැවැසීය.
ඊයේ පර්ලිමේන්තුවේ පැවැති උණුසුම් කාරී තත්වය තුල දූෂණ චෝදන එල්ලවී ඇති එජනිස මන්ත්‍රී කණ්ඩායම අස්වසාලීමට ජනාධිපති මෛත්‍රීපාල සිරිසේන මහතාට මෙම කාර්යාංශය පිහි‍ටුවීම සඳහා නිකුත් කර තිබෙන ගැසට් නිවේදනය නීති විරෝධීනම් ඒ අහෝසි කරන බවට ප්‍රකාශයක් නිකුත් කිරීමටද සිදු විය.
ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඊයේ පාර්ලිමේන්තු සංකීර්ණයේදී එජනිස මන්ත්‍රි කණ්‌ඩායම් රැස්‌වීම පැවැත්විණි.
ජනවාරි 21 වැනිදා ඇමැති මණ්‌ඩලයෙන් අනුමත කර පෙබරවාරි 15 දා ප්‍රකාශයට පත් කළ මෙම ගැසට් පත්‍රයට අනුව අගමැතිවරයාගේ ප්‍රධානත්වයෙන් ඇමැති අනු කමිටුවක්‌ද පත්කර ඇත.
