එම පෙරමුණේ මාධ්‍ය ප‍්‍රකාශක මොහොමඞ් මුසම්මිල් මහතා පවසන්නේ මැයි දින සැමරුම වෙනුවෙන් සහභාගී වීම සදහා මේ වනවිට වෘත්තීය සමිති සමග ජාතික නිදහස් පෙරමුණ සාකච්ඡ පවත්වන බවයි.
මහින්ද රාජපක්ෂ මහතාට ජනාධිපතිවරණයේදී ඡන්දය ලබාදුන් පනස් අට ලක්ෂයක ජනතාව එදින එක් තැනකට ඒකරාශී කිරීම සිදු කරන බවත් මුසම්මිල් මහතා වැඩිදුරටත් පවසයි.
දේශපාලන වශයෙන් අවතැන්වී පණ අදිමින් සිටින ජාතික නිදහස් පෙරමුණ, මහින්දගේ සාටකයේ එල්ලී පණ කඳ රැක ගැනීමට ගන්නා උත්සාහයේ පියවරක් ලෙස පැවැත්වෙන මෙම මැයි රැලිය සඳහා මහින්ද රාජපක්ෂව මොහොතකට හෝ වේදීකාව මතට ගෙන්වා ගැනීම සඳහාද විශාල වෙහෙසක් විමල් වීරවංශ මහතා දරමින් සිටින බවත් වාර්තාවේ.
