පේරාදෙණිය ගන්නොරුව ප්‍රදේශයේ පිහිටි එම කාර්යාලයට ඊයේ රාත්‍රි 7ට පමණ පැමිණි නාඳුනන පිරිසක් පළමුව කාර්යාලයට පහරදී අැත. අනතුරුව අලූයම දෙකට පමණද එම පුද්ගලයන් පැමිණ යළි ප්‍රහාරයක් එල්ල කර ඇති බව පෙරටුගාමී සමාජවාදී පක්ෂයේ සාමාජිකයින් පොලීසියට කළ පැමිණිල්ලේ දැක්වේ.
පේරාදෙනිය පොලිසිය සඳහන් කළේ සිද්ධියෙන් දෙපාර්ශවයටම අයත් පුද්ගලයින් 04 දෙනෙකු තුවාල ලබා රෝහල් ගතකර ඇති බවයි. එමෙන්ම සිද්ධිය සම්බන්ධයෙන් පෙරටුගාමී සමාජවාදී පක්ෂයේ පුද්ගලයින් 16 දෙනෙකු සහ ජනතා විමුක්ති පෙරමුණට අයත් පුද්ගලයින් 04 දෙනෙකු අත්අඩංගුවට ගෙන ඇති බවද පොලිසිය සඳහන් කළේය.
අදාළ ගොඩනැඟිල්ල හිමිකරු ජනතා විමුක්ති පෙරමුණට සහය පළ කරන අයෙකු බව පොලීසිය පවසයි.මේ ගැන පේරාදෙණිය පොලීසිය වැඩිදුරටත් පරීක්ෂණ ආරම්භ කර තිබේ.
