හම්බන්තොට වරායේ වියදම තවදුරටත් කොළඹ වරාය මගින් දැරීම නවතාලමින් හම්බන්තොට වරයාටද වෙනමම ලාභ අලාභ ගිණුමක් පවත්වාගෙන යාමට අර්ජුණ රණතුංග මහතාගේ අවධානය යොමුව තිබේ.
පසුගිය කාලයේදී ශ්‍රී ලංකා වරාය අධිකාරියේ සිදු වූ දූෂණ වංචා සෙවීමට සිංහල - හින්දු අලුත් අවුරුද්දෙන් පසුව විශේෂ කමිටුවක් පත් කරන බව අමාත්‍යාංශය ඊයේ (10දා) නිකුත් කළ නිවේදනයක සඳහන් වූයේය.
පසුගිය කාලයේදී ගුවන් සේවාවේ සිදු වූ දූෂණ වංචා සෙවීමට තමන් පත් කළ කමිටුවේ වාර්තාව සේම ලංකා වරාය අධිකාරියේ දූෂණ වංචා සෙවීම සඳහා පත් කිරීමට යෝජිත කමිටුවේ වාර්තාවෙන්ද වැදගත් කරුණු රැසක් හෙළිදරව් වනු ඇතැයි අමාත්‍යවරයා විශ්වාසය පළ කරයි.
