රාජ්‍ය සේවකයන්ගේ හා විශ්‍රාමිකයන්ගේ මේ මස වැටුප් හා දීමනා ගෙවීමට අවශ්‍ය මුදල් මහා භාණ්ඩාගාරය ලබා දී ඇති දැයි අප කළ විමසුමකට පිළිතුරු දෙමින් ලේකම්වරයා එසේ කීය.
රාජ්‍ය සේවකයින්ගේ හා විශ්‍රාමිකයින්ගේ වැටුප් හා දීමනා සඳහා වාර්ෂිකව රජය රුපියල් බිලියන 600කට අධික මුදලක් වැය කරන බව ද ලේකම්වරයා පෙන්වා දුන්නේය.
අප්‍රේල් මාසයේ වැටුප් බිල ගෙවීමට අවශ්‍ය තරම් මුදල් කිසිදු අවහිරයකින් තොරව සැපැයීමට හැකි බව ද ලේකම්වරයා අවධාරණය කෙළේය.
රාජ්‍ය සේවක වැටුප් හා දීමනා ගෙවීමට මුදල් ලබාදුන් නිසා අද (10) දින සේවකයින්ට එය ලබාගත හැකිවන බව ද සමරතුංග මහතා පැහැදිලි කළේය.
පසුගියදා රජයේ සේවකයන්ට වැටුප් ගෙවීමට මුදල් නැති බවට විපක්ෂය අවලාද නැගූ අතර රජය භාණ්ඩාගාර බැඳුම් කර මිළදී ගැනීමේ ප්‍රමාණය බිලියන 400ක් දක්වා වැඩි කිරීම සඳහා පාර්ලිමේන්තු අනුමැතිය ඉල්ලා සිටි අවස්ථාවක ඒ පරාජය කර රාජය සේවක වැටුප් ගෙවීමේ කටයුත්ත අඩාල කිරීමේ කුමන්ත්‍රණ කාරී වැඩ පිලිවෙලක්ද දියත් කරනු ලැබීය. කෙසේ නමුත් එමඟින් විපක්ෂය අපකීර්තියට පත් වීම වලක්වා ගැනීමට ඔවුන් අසමත් විය.
