කුඩා තේවතු හිමියන් විසින් නිපදවන අමු තේ දලු කිලෝවක් සදහා රු80 ක සහතික මිල ක්‍රමයක් පවත්වා ගෙන යාම දින සියයට අයත් යෝජනාවක් මෙන්ම අතුරු අවයැයෙහිද එන යෝජනාවකි.ඒ අනුව කුඩා තේවතු හිමියන් විසින් නිපදවෙන අමු තේ දලු කිලෝවක් සදහා රුපියල් 80 ක සහතික මිලක් ලබාදීම පිණිස වැවිලි කර්මාන්ත අමාත්‍ය ලක්ෂ්මන් කිරි ඇල්ල මහතා ඉදිරිපත් කළ යෝජනාවට අමාත්‍ය මණ්ඩල අනුමැතිය හිමිවී ඇත.
මේවන විට වර්තමාන දේශීය වෙළදපල තුළ රබර් මිල ගණන් සැලකිය යුතු ලෙස පහළ ගොස් ඇත.මේ තත්වය සැලකිල්ලට ගනිමින් ජාත්‍යන්තර වෙළදපොළේ මිල පදනම් කර ගත් ක්‍රමවේදය වෙනුවට දේශීය වෙළදපළේ රබර්මිල පදනම් කර ගනිමින් සහතික මිලෙහි හා දේශීය වෙළදපලෙහි රබර් මිල අතර වෙනස රබර් සංවර්ධන දෙපාර්තමේන්තුව මගින් කුඩා රබර් වතු හිමියන්ට ගෙවීම සදහාද කැබිනට් අනුමැතිය හිමිවී ඇත.
එම ක්‍රමවේදය කුමවේදය අප්‍රේල් මස 01 දා සිට ක්‍රියාත්මක කිරීම සදහා රනිල් වික්‍රමසිංහ මහතා විසින් ඉදිරිපත් යෝජනාව අමාත්‍ය මණ්ඩලය විසින් අනුමත කළ බව කැබිනට් තීරණ දැනුම් දීමේ මාධ්‍ය හමුවට එක්වෙමින් රාජිත සේනාරත්න මහතා සදහන් කළේය.
