ඔවුන් සිදුකරන සමාජ සේවා කටයුතු සමාජයට වැඩදායී ලෙස තවදුරටත් සිදුකරගෙන යාම සඳහා මුළු දිවයිනටම බලපැවැත්වෙන පරිදි සාම විනිසුරු පදවි පිරිනැමීමට තීරණය කළ බව අධිකරණ අමාත්‍ය ආචාර්ය විජේදාස රාජපක්ෂ ප්‍රකාශ කළේය.
මේ අනුව ක්‍රීඩා සංගම් 52 ක නියෝජිතයින් 260 දෙනෙකුට සහ ජාතික චිත්‍රපට සංස්ථාවේ නිර්දේශ මත ප්‍රවීණ කලාකරුවන් සිය දෙනෙකුට මෙම සාමවිනිසුරු පදවි පිරිනමනු ඇත. එසේම ප්‍රධාන ජනමාධ්‍ය සංගම්වල නිර්දේශ මත මාධ්‍යවේදීන් සිය දෙනෙකුටද සාම විනිසුරු පදවි පිරිනමන බව අධිකරණ අමාත්‍යවරයා සඳහන් කළේය.
