වාචික පිළිතුරු අපේක්ෂාවෙන් සුජීව සේනසිංහ මන්ත්‍රීවරයා ප්‍රශ්නයක් යොමුකර තිබූ අතර කථානායකවරයා ඒ අනුව සේනසිංහ මන්ත්‍රීවරයාගේ නම කතා කළේය.
එහෙත් මන්ත්‍රීවරයාට එය නොඇසුණේ සේනානායක මන්ත්‍රීවරිය සමග සතුටු සාමීචියේ යෙදී සිටීම හේතුවෙනි.
කීප වරක් කථානායකවරයා සේනසිංහ මන්ත්‍රීවරයාගේ නම සඳහන් කළ ද මන්ත්‍රීවරයාට එය නෑසුණි.“ගරු රෝසි සේනානායක මන්ත්‍රීතුමිය මං ගාවට කිට්ටුවෙන් ඉඳගන්නවා නම් හොඳයි. නැත්නම් මොකුත් ඇහෙන්නෙ නෑ. කතාව වැඩියි.” කථානායකවරයා සේනානායක මන්ත්‍රීවරියට කීවේය.
මේ අවස්ථාවේ දැඩි ලෙස කලබල වූ මන්ත්‍රීවරිය ඉන් පසු කිසිදු මන්ත්‍රීවරයකු සමග කතා නොකර සභා කටයුතුවලට සවන් දුන්නාය.
