මේ වන විට ජාතික විධායක සහාව නියෝජනය කරමින් වත්මන් පාලනයට හවුල් වී සිටීන ජවිපෙ හෙට (02)දිනයේදී බොහෝ විට එම කමි‍ටුවෙන් ඉවත් වනු ඇත. ඒ අනුව විපක්ෂයේ සටන් පාඨ ඔවුන් අතට ගෙන මීළඟ මහ මැතිවරණයේදී තියුණු සටනක් දී ආසන 15කට වඩා වැඩි ප්‍රමාණයක් දිනා ගැනීම ඔවුන්ගේ අරමුණ වී ඇත. එළඹෙන මහ මැතිවරණයෙන් පසුවත් එජාපය හා ශ්‍රීලනීපය ජාතික ආණ්ඩුවක් පිහි‍ටුවන බවට මේවන විටත් එකඟ තාවයක සිටින අතර ඒ අනුව විපක්ෂය නියෝජනය කිරීමට සිදුවන්නේ සුළුතර පක්ෂයකටය.
ඒ අනුව, පවතින මැතිවරණ ක්‍රමය අනුව ජවිපෙට අභියෝගයක්ව පවතින්නේ දෙමළ ජාතික සන්ධානය පමණකි.
එහෙත් පවතින මැතිවරණ ක්‍රමය වඩා යෝජිත කේවල හා සමානුපාතික මැතිවරණ ක්‍රමය මඟින් දෙමළ ජාතික සන්ධානයට වැඩි වාසියක් අත් කර ගැනිමට හැකියාවක් ඇති බව පෙනී ගොස් ඇත.
කෙසේ නමුත් විමල් වීරවංශ ප්‍රමුඛ කණ්ඩායම මහින්ද රාජපක්ෂ සමඟ වෙනම මැතිවරණ ක්‍රියාවලියකට ගිය හොත් ජවිපෙට අවාසිදායක තත්වයක් ඇති වන මුත් විපක්ෂ නායක ධුරය ලබා ගැනීම සඳහා එම කණ්ඩායමටද දෙමළ ජාතික සන්ධානය අභියෝගයක් වීම වැලැක්විය හැකි නොවේ.
මේ අතර වත්මන් පාර්ලිමේන්තුවේ විපක්ෂ නායක ධුරය ලැබීමටද තමන්ට සුදුසුකමක් ඇති බව කතානාකවරයාට දැනුම් දී ඇති බවත් වාර්තාවේ.
