විදුලිබල අංශයේ රාජ්‍ය ආයෝජනය පළමු මාස 4 තුළ රුපියල් මිලියන 957 ක් බව එම වාර්තාවේ දැක්වේ.

රුපියල් මිලියන 534 ක මුදලක් ඉහළ කොත්මලේ ජල විදුලි බලාගාර ව්‍යාපෘතියේ ගෙවීම් සඳහාද පැරණි ලක්ෂපාන, නව ලක්ෂපාන සඳහා අනෙකුත් බලාගාර පුනරුත්ථාපනය සඳහා වැයවී ඇති බව මුදල් හා ක‍්‍රම සම්පාදන අමාත්‍යාංශය විසින් නිකුත් කළ එම වාර්තාවේ දැක්වේ.

වසරේ මුල් මාස 4 තුළ සියයට 50 ක්ව පැවති ජල විදුලිබල උත්පාදනය සියයට 19 යි දශම 5 දක්වා පහත වැටී ඇත.

පසුගිය වසරේ විදුලි ඒකකයක් උත්පාදනය සඳහා රුපියල් 17 යි ශත 70 ක මුදලක් වැයවූ අතර එය මේ වනවිට රුපියල් 24 යි ශත 37 ක් දක්වා ඉහළ ගොස් ඇත.

මීට අමතරව වසරේ මුල් මාස 4 තුළ මූල්‍ය ආයතන සඳහා නොපියවූ බැංකු ණය වශයෙන් රුපියල් මිලියන 44 340 ක හිඟ මුදලක් පවති.

කෙසේ වෙතත් ලංකා විදුලිබල මණ්ඩලයේ සභාපති ඩබ්ලිව්.බී. ගනේගල මහතා ගෙන් මේ සම්බන්ධයෙන් කල විමසීමකදී ඔහු කියා සිටියේ, වසරේ මුල් මාස 4 තුළින් පමණක් ලාභ අලාභ තීරණය කළ නොහැකි බවයි.

(හිරු එෆ් එම් )