සිද්ධීන් මත පදනම්ව පරීක්ෂණ සිදු කළද එය රටේ පැතිරී ගොස් ඇති වංචාව හා දුෂණය තුරන් කිරීමට හේතුවක් නොවන බවද එම කොමිසම පෙන්වා දේ. දුෂණය පිටුදකින බව ප‍්‍රකාශයක් වශයෙන් නිකුත් කලද එවැනි වැඩපිලිවෙලට වැදගත්වන මූලෝපායන් රජය සතුව නොමැති බව ආසියානු මානව හිමිකම් කොමිසම වැඩිදුරටත් පෙන්වා දී අැත.
දැනට ලෝකයේ සාර්ථකව ක්‍රියාත්මක වන අල්ලස් හෝ දූෂණ විමර්ශන ආයතන හා සංසන්දනය කොට බලන විට ශ්රී ලංකාවේ අල්ලස් හෝ දූෂණ විමර්ශන කොමිසමේ ව්‍යුහය සම්පූර්ණයෙන්ම වෙනස් බව ආසියානු මානව හිමිකම් කොමිසමේ බැසිල් ප්‍රනාන්දු පවසා සිටියි.
මූලිකව එය පොලීසියේ පරීක්ෂවරුන්ගේ විමර්ශන මත පදනම්ව ඇති බවත් ඒ නිසාම පරීක්ෂණ පිළිබඳ තොරතුරු එළියට යාමට තිබෙන ඉඩ කඩ විශාල වශයෙන් වැඩි බවත් ඔහු සදහන් කරයි.
මේ අතර දුෂණ වංචා සහ අක‍්‍රමිකතා සම්බන්ධයෙන් වන පැමිණිලි අපේ‍්‍රල් මස විසි හතර වනදාට පෙර ඉදිරිපත් කරන ලෙස අදාළ කාරණා සම්බන්ධයෙන් විමර්ශනය කිරීමේ ජනාධිපති කොමිසම ජනතාවට දැනුම් දේ. අදාළ පැමිණිලි අංක පහ, බණ්ඩාරනායක අනුස්මරණ සම්මන්ත‍්‍රණ ශාලාව, බෞද්ධාලෝක මාවත, කොළඹ 07 යන ලිපිනයට යොමු කළ හැකිය.
