මෙහිදී අප පෙන්වා දුන්නේ ඔලිම්පික් තරග නියෝජනයේ දී එහි සුදුසු පරිසාධන මට්ටම් ඉක්මවා සුදුසුකම් ලබන්නන් මෙන්ම වයිල්ඩ් කාඩ් නැතහොත් සහන පදනම මත අවස්ථා ලැබෙන ක්‍රීඩක ක්‍රීඩිකාවන් ද සිටින බව ය. මෙහිදී අඩුම තරමේ අදාළ සහභාගීත්ව සුදුසුකම සනාථ කර තරගවලට ඉදිරිපත් වීමට වරම් ලබා ගන්නා ක්‍රීඩක ක්‍රීඩිකාවන් ඒ සඳහා විශාල රටවල් ගණනක ක්‍රීඩක දක්ෂතා අභිබවා යමින් එම සුදුසුකම දිනා ගත යුතු බව අමාත්‍යවරයාට පෙන්වා දුන් අප, අඩුම ගණනේ එවැනි ක්‍රීඩකයකුගේ හෝ ක්‍රීඩිකාවකගේ දරුවකුට හෝ දැරියකට සිය අභිමතය පරිදි ජනප්‍රිය පාසලක් ලබාදීමේ ප්‍රතිපත්තිමය තීරණයක් ගත යුතු බව අවධාරණය කළේ ය.
කුමන දේශපාලන මතිමතාන්තර දැරුව ද, දේශපාලනය පදනම් කර ගෙන කිසිවකුගේ හෝ අයිතිය කප්පාදු කිරීම හෝ දක්ෂතා නොසලකා හැරීම සිය රජයේ ප්‍රතිපත්තිය නොවන බව පෙන්වා දුන් අධ්‍යාපන අමාත්‍යවරයා, මේ රටට හඳුන්වා දෙන නව දේශපාලන සංස්කෘතිය එය බව ද පෙන්වා දුන්නේ ය. එසේම නැවත වරක් අප විසින් කළ ඔලිම්පික් පරිසාධන මට්ටමට ළඟා වී ඔලිම්පික් නියෝජනය කළ ක්‍රීඩක ක්‍රීඩිකාවන්ගේ දූ පුතුනට එම ක්‍රීඩක ක්‍රීඩිකාවන්ගේ කැමැත්ත පරිදි ජනප්‍රිය පාසල් ලබා දීමේ යෝජනාව වැදගත්කමක් ඇති යෝජනාවක් ලෙස ඉදිරියේදි සැළකිල්ලට ගන්නා බව ද ප්‍රකාශ කළේ ය.
- colombopost
