අනුර කුමාර දිසානායක මහතා ඇසූ මූලික ප්‍රශ්නයට පිළිතුරු දෙමින් දිනේෂ් ගුණවර්ධන මහතා ප්‍රකාශය කර සිටියේ, ජනාධිපති මහින්ද රාජපක්‌ෂ මහතා වෙනුවෙන් සම්බන්ධීකරණ ලේකම්වරු විසිතුන්දෙනකු සිටින බවයි.
මෙම සම්බන්ධීකරණ ලේකම්වරයකුට මාසිකව රුපියල් තිස්‌ දහසක වැටුපක්‌, ඉන්ධන ලීටර් (පෙට්‍රල්) 170 ක් සඳහා දීමනාවක්‌ද, රුපියල් තිස්‌ දහසක ප්‍රවාහන දීමනාවක්‌ සහ රුපියල් පන්දහසක දුරකථන දීමනාවක්‌ ලබාදෙන බවද දිනේෂ් ගුණවර්ධන මහතා කීවේය. ඒ අනුව සම්බන්ධීකරණ ලේකම්වරු විසිතුන් දෙනාට මාසිකව (පෙට්‌්‍රල් ලීටර් 170 හැර) රුපියල් දාහතර ලක්‌ෂ අනූපන් දහසක මුදලක්‌ ලබාදේ.
මෙම සම්බන්ධීකරණ ලේකම්වරු සඳහා පසුගිය වසර තුන තුළ රුපියල් තුන්කෝටි හැත්තෑ හත් ලක්‌ෂ අනූ අට දහස්‌ තුන්සිය විසි හතක්‌ ගෙවා ඇතැයිද දිනේෂ් ගුණවර්ධන මහතා ප්‍රකාශ කළේය.
