ජනාධිපති කාර්යාලයේ පැවති ඒකාබද්ධ මත්ද්‍රව්‍ය නිවාරණ මෙහෙයුම් කමිටු රැස්වීමට එක්වෙමින් ජනාධිපති මෛත්‍රීපාල සිරිසේන මහතා ඊයේ(16) පස්වරුවේ මෙම උපදෙස් ලබාදි ඇත.
පාසල්, විහාරස්ථාන සහ ආගමික ස්ථානවලට මීටර් 500ක් ඇතුළත පවත්වාගෙන යන සුරාසැල්වල බලපත්‍ර ද අවලංගු කරන ලෙස ජනාධිපතිවරයා උපදෙස් ලබාදී ඇත.
රජය විසින් ක්‍රියාවට නංවා ඇති මත්ද්‍රව්‍ය නිවාරණ වැඩසටහන තුළ මත්ද්‍රව්‍යය වලට ඇබ්බැහිවූවන් පුනරුත්ථාපනය කිරීම සඳහා විශේෂ අවධානයක් යොමුකර ඇති අතර එම කටයුතු පිළිබඳව ද මෙහිදි සාකච්ඡා වී ඇත.
මත්ද්‍රව්‍ය වැටලීම් කටයුතු තදින්ම ක්‍රියාත්මක කරන ලෙස ජනාධිපති මෛත්‍රීපාල සිරිසේන මහතා මෙම හමුවේ දී පොලිස්පතිවරයාට උපදෙස් ලබා දී බව ජනාධිපති මාධ්‍ය අංශය සඳහන් කළේය.
මෙහිදි ජනාධිපතිවරයා පෙන්වාදෙනු ලැබූ තවත් වැදගත් කාරණයක් වන්නේ සෞඛ්‍ය විෂය පාසල් අධ්‍යාපනයට එක්කිරීම පිළිබදවය.
