රාජකාරී කටයුතු කිරීමේ දී තමාට තර්ජන එල්ලවන බව පවසමින් ප්‍රිශාන්ත ජයකොඩි මහතා ඔස්ට්‍රේලියාවට ගොස් එහි රැඳී සිටියේය.
අද දිනයේ දිවයිනට පැමිණෙන ඔහු විශේෂ හෙළිදරව්වක් සිදුකිරීමට නියමිත බව වාර්තා වේ.
ප්‍රිශාන්ත ජයකොඩි මහතා අද පස්වරුවේ කොළඹ දී විශේෂ මාධ්‍ය හමුවක් පැවැත්වීමට නියමිත වන අතර එහිදී මෙම හෙළිදරව්ව සිදුකරනු ඇති බව සඳහන්ය.
පොලිස් මාධ්‍ය ප‍්‍රකාශකවරයා ලෙස කටයුතු කිරීමෙන් අනතුරුව ඔහු රත්නපුර දිස්ත‍්‍රික්කයේ ජ්‍යෙෂ්ඨ පොලිස් අධිකාරීවරයා ලෙස පත්වීම් ලැබුවේය.
කෙසේ වෙතත් රත්නපුර ජ්‍යෙෂ්ඨ පොලිස් අධිකාරීවරයා ලෙස කටයුතු කරමින් සිටියදී ඔහු හදිසියේම විදේශ සංචාරයක් මුවාවෙන් ඔස්ටේ‍්‍රලියාව බලා පිටත්ව ගියේය. තමන් මුහුණ දී සිටින අනාරක්ෂිත තත්ත්වය හේතුවෙන් ඔස්ටේ‍්‍රලියාවේ රැඳී සිටීමට එරට රජයෙන් ඉල්ලීමක් කළ බවට පසුගිය කාලයේ මතවාදයන් පැතිර ගිය අතර නව රජය බලයට පත්වීමෙන් අනතුරුව පි‍්‍රශාන්ත ජයකොඩි මහතා යළි මෙලෙස දිවයිනට පැමිණීමට කටයුතු යොදා ඇත.
