අගමැති රනිල් වික්‍රමසිංහ මහතා යටතේ මෙම ජාතික ආණ්ඩුව පිහිටුවීම සඳහා ශ්‍රී ලංකා නිදහස් පක්ෂයේ මන්ත්‍රීවරුන් පිරිසක් ඉදිරි දින කිහිපය ඇතුළත ආණ්ඩුවට එකතු වීමට තීරණය කර ඇත.
ඔවුන් සඳහා ආණ්ඩුවේ ඇමැති ධුරයන්ද හිමිවීමට නියමිතය. ඒ සඳහා ආණ්ඩුවේ මුළු ඇමැති ධුර සංඛ්‍යාව 100 දක්වා වැඩි කෙරෙනු ඇත. මේ අනුව අප්‍රේල් 23 වන දින පාර්ලිමේන්තුව විසුරුවා හැරීමට ගෙන තිබූ තීරණය තව වසර 2 කට කල් දැමීම සිදුවනු ඇති බවටද මෙහිදී අදහස් පළ වී තිබේ.
නිමල් සිරිපාල ද සිල්වා, ඩිලාන් පෙරේරා, ජගත් පුෂ්පකුමාර, මහින්ද සමරසිංහ, රෙජිනෝල්ඩ් කුරේ, රාජිත සේනාරත්න, අතාවුද සෙනෙවිරත්න, එස්.බි. දිසානායක, ශාන්ත බණ්ඩාර යන මන්ත්‍රීවරුන් නව ජාතික ආණ්ඩුව පිළිබඳවත් මැතිවරණය කල් දැමීම පිළිබඳවත් මෙහිදී කරුණු පවසා ඇත.
කෙසේවුවද, මෙම යෝජනාව පිළිබඳව ශ්‍රී ලංකා නිදහස් පක්ෂයේ මන්ත්‍රීවරුන් පිරිසක් විරුද්ධවද සිටින බව වාර්තා වේ.
